【原创】阿甘正传(~~ 客家版 ~~)

萝卜咸菜

怪布日，涯学风衣肚里柄等一把刀，因为涯爱杀黑一只仇人。        
涯十分恼佢，但又唔敢骂佢，所以涯只好选择谋杀。佢生倒唔高，却系武校个高才生，涯估计空手打唔过佢，所以爱柄把刀。         
佢十分靓，但佢从来都唔看涯一眼，所以涯十分恼佢，所以涯爱谋杀佢。

[ Last edited by 萝卜咸菜 on 2005-4-17 at 23:52 ]

萝卜咸菜

涯唔可以学佢个学校谋杀佢，因为武校个学生只只都十分打得，杀过人以後涯担心唔能够全身而退；         
涯也唔可以学佢屋企谋杀佢，因为佢同涯唔熟，所以肯定唔会为涯开门；         
涯唔可以学日晨头谋杀佢，奔人家看倒个话涯会奔公安局捉去枪毙。 
所以，暗布头，涯冒等严寒埋伏啊佢转屋企个路上。         
为了壮胆，涯食了整整一罐个二锅头（二两装）。

[ Last edited by 萝卜咸菜 on 2005-4-17 at 22:20 ]

萝卜咸菜

但涯唔晓食烧酒，埋伏里一下涯就睡黑里，结果第二日醒来就感冒了。         
今下，涯学医院里打点滴，不过，涯一定唔会放弃。         
医生话涯还爱住两日才可以出院，所以涯还爱等两日才能继续涯个计划。         
“咦，护士！涯风衣肚里怪把刀呐？”       
“哦，借涯用一下？”       
“做脉个？”         
“削苹果喽~ ”

萝卜咸菜

后生个护士就系小护士。佢个脸蛋很白，可能系白大褂影出来个；         
佢个眼好大，可能系奔大眼镜衬出来个。小护士冇涯个仇人恁靓，但也算美人。 :shy:        
但就算美人，佢也唔可以把涯杀人用个刀子拿去削苹果呀？         
於是涯有滴生气，涯话：“你样般可以用怪只刀子削苹果呀？”         
小护士瞪起大眼看涯，佢话：“野个本来就系苹果刀嘛。”

[ Last edited by 萝卜咸菜 on 2005-4-17 at 23:54 ]

萝卜咸菜

涯从有滴生气变成十分生气，涯话：“唔系唔系，反正涯用佢做其他个事情！”         
小护士拿起涯个刀子认真看起来，佢话：“涯样般也看唔出佢还可以做脉个，难道系用来杀人个？”         
涯大吃一惊，涯个犯罪企图竟然被一只小护士看穿了，野下可麻烦了…… 
唔可以，我爱先杀佢灭口！

[ Last edited by 萝卜咸菜 on 2005-4-17 at 23:55 ]

萝卜咸菜

於是涯急忙项身想捉倒刀子从佢手中抢过来，佢却一把将涯按回床上：“唔好动呀!你点滴还盲田打完呢！”         
涯问还爱几久小护士话还爱一点钟。         
也罢，等一点钟後再杀人灭口也唔迟。         
唉……唔单好事多磨，坏事也一样多磨……

萝卜咸菜

为了消磨时间，涯只好同野只“活口”先聊下天：“刀子还奔涯好吗？”         
小护士话涯样般傻傻个还讲嘻嘻。讲完嘻嘻又问：“你打算用佢去杀满人呀？”然後又嘻嘻。         
涯想反正一点钟以後佢就爱死了，话佢知也无妨。         
涯话：“涯爱杀个系涯个仇人。”

萝卜咸菜

小护士嘻嘻嘻嘻:shy:，话：“人家得罪里你系湄？”       
涯话：“当然得罪了！佢……佢十分靓，却唔看涯一眼！”         
小护士嘻嘻变成哈哈，又话：“怪也不至於杀人呀？”         
涯话涯同你冇话讲，涯还话哼。:cool:

[ Last edited by 萝卜咸菜 on 2005-4-17 at 23:57 ]

萝卜咸菜

生病好像十分容易犯困:z:，涯唔田等点滴打完就睡黑里。         
醒来个时候小护士已经唔见了。屋里穿白大褂个系另一个护士，面上有皱纹，系个唔小个护士。         
佢个皮肤唔白，眼睛也唔大，所以涯唔想杀佢，况且怪把刀也唔见了。         
涯敏倒肯定系小护士拿去玩了。

[ Last edited by 萝卜咸菜 on 2005-4-17 at 23:56 ]

萝卜咸菜

涯乐意恁样敏系因为涯担心佢去报案。当然，也唔排除野种可能。小护士一定正学去公安局个路上，野只“唔小”个护士一定是派来监视涯个。         
涯开始盘算逃出野只医院，在小护士把涯供出去之前杀黑佢。         
涯话涯爱食水，唔小个护士就倒水去了。

萝卜咸菜

涯一骨碌爬了起来，奔到窗户边，爬上窗沿……很遗憾，涯添忘了涯个病房系七 楼…… 只好灰溜溜地回到床上，另寻良策。         
爬窗户个时候，涯净着等一条红色个三角底裤，风见了光著个身子就猛窜过来。回到被窝个时候，涯一直打喷嚏。         
唔小个护士怕涯把感冒传染奔佢，赶紧把口罩戴上，後来还系唔放心，就走了。

萝卜咸菜

涯想今下系好机会。吸取了第一次逃跑失败个经验，涯先把衣架上个衣服着好，然後夺门而出，狂奔而去。
        
跑了几个弯，涯还系唔田寻倒出口学奈只位，却意外地遇上了小护士。         
佢瞪起大眼:)看涯，话：“厕所学前面怪个拐角位。”         
涯喘等粗气：“满人满人满人上厕所，涯寻你呢！！！”

萝卜咸菜

小护士一愣。       
涯话：“涯个刀子还奔涯！”       
小护士嘻嘻，然後话：“你真逗。”       
涯左顾右盼，见四下冇人，就面露凶光。       
涯想……掐死野只小护士应该没脉个问题吧。

萝卜咸菜

涯作势欲扑，小护士却从衫袋肚里拿出怪把刀。犹豫了一下，只好暂时唔敢轻举妄动──佢手里有武器。         
小护士问：“系野个湄？”         
涯答：“系，系，还奔涯！”       
佢好像对涯个刀子产生了兴趣，因为佢竟然问：“送奔涯好吗？”         
涯别无选择，十分沮丧：“刀子学你手里，你话脉个就脉个。”

萝卜咸菜

然後，小护士把涯押回了病房。用“押回”系因为佢手里紧紧握等凶器。         
坐在病床上，涯盯等小护士唔放，涯琢磨著样般样把野只活口干掉。         
小护士偷瞄了涯一眼，话：“看脉个？得人恼！”         
涯就知佢讨厌涯，因为涯系只预备个杀人犯，而且涯还爱杀佢灭口。