今日病感觉好些哩,就继续出外工作,哈昼有个家教,一直持续讲初三数学物理三个钟头.前几日天气就系雾,今日出日头哩,最后决定去运动哈子.昨夜睡目时候,崖寝室体育系之同学刚,学堂体育馆可以开放哩,其去管理收费,就要崖等都去体育馆锻炼哈子,也就免费.当时太家都觉得还可以,其也刚早上八点就去,结果其一直睡到九点才被电话喊起来,因为人家都等在体育馆太门外等其去开门!天,那崖还指望么该啊?结果就看到其急急忙忙冲去体育馆,崖就莫法哩,只有去学堂外面606地质队打羽毛球,结果被人家笑,因为崖用专心之精神认真之态势对付嬉戏性质之运动,所以就完蛋.毋过,也晒哩今日之好日头,感受哩春日之温暖.真个系好.周身都系汗水.哈昼就去人家屋卡做家教,其在七楼用望远镜高高看到崖来哩,然后招手.感觉也无一般.三个钟头讲课以后,口干舌燥,食哩恩杯水.转来看到东方红美食广场在市中心招收川菜厨师,就去问哩哈子,结果系强劳动,就挤公交转到学堂哩.公交上发生哩只崖觉得过难受之事情,就系--过浓烈之奶味道,崖好想呕吐,恩晓得以后有哩自家BABY以后系否还会里样.还好,崖把窗户打开哩,里哈天气还恩寒冷,就转到哩学堂.又,在新华书店买哩<<中国国家地理>>.写里只文章时候对面有个江西人在讲普通话,口音浓烈得很.