[小小生理liˊ贏做工．算本賣貨不蝕sat本]

huangchunbin

               [看消息報導 學客家語文] 廖金明客語文[四縣腔]報導 2011/7/2

[美濃訊]農村社會介結構,受到經濟環境介影嚮,起了ieˇ相當大介變化,尤其農村人口介遷徙saiˋ問題越至較go嚴重,對農村在校國小國中學生人數介加減來看,就做得有明顯介表示出來。在民國50年左右,美濃鎮有八間小學,每間學校每一年級每班學生人數都係50儕saˇ人以上(最少也有兩班,相當奧o妙介係男女人數,都差camˊ唔多,係各一半),最細間全校都有600人以上。今下ga各國小全校人數都係200人上下,相差十分多,在50年代全鎮人口數也有論十萬人口,這下伸(剩)cunˊ到四萬三仟人(含空戶),平均每戶也只有3.25/戶人,同時全鎮65歲以上高齡人數也有8,600人,這就係當前農村景相變化之一。

     再講；農耕工作方面受到分bunˊ家分funˊ戶介影嚮,儕saˇ儕一代一代繼承耕作介面積,又以數學[幾何級gipˋ數介倒數](2/1→4/1→16/1----)介減少,甚siim至變成[有田無钁giokˋ頭,有钁giokˋ頭無田]介現象,[唔mˇ係me放伊去荒,就係me讓ngion人去耕田]介情形,有兜deuˊ介老人家體力差,又放手先將田地分bunˊ分bunˊ子女,變成無moˇ田產介農民。依當前村莊農友反應,農產價數sii差,老人家姑goˊ不而將,以農退休(好聽介靚ziangˊ話),領老農年金每隻月NT$6,000銀過生活,好加在有這筆退休金,嘎ga無,農村介生活,目前介下haˊ場是樣般？實在無法度來想像ciong,係樣般悽ciˊ慘camˋ介程度,所以有一個老伯姆meˊ：伊介生活費用好加在大徠(賴)lai仔介$6,000銀(老農津ginˊ貼),嘎ga無,唔知愛樣般來過日。

      以上所講係目前農村經濟介現況kong,確實係相當不理想,若naˊ係無對外食頭路做生理賺錢入莊,農村經濟介嚴重,單單靠kou耕作,越至會較go嚴重。另外好加在,有兜deuˊ農莊有志介後生人,曉hiauˋ得有[窮kiungˇ則變．變則通tungˊ]介好觀念,想辦法來做小seuˋ生理,來補貼tiapˋ維持家中日常生活介瑣soˋ費,同時也有[萬丈高樓從底起]介觀念,來堅捱ngai做[討食成sangˇ型]介小小生senˊ理。

      現下在各農村莊頭肚裡,每日都有十過張發財車,載等各種貨色來賣,有兜介係老公當做運轉手(司機),婦人家拿等賣鼓(麥克風)緊行緊喊,喊賣做生理,兩公婆共同行出行入湊deu陣ciin做生理,雖然係快樂。但是[算本賣貨]之下,一擔damˊ生理兩工人介成本,再加上[油錢,車仔介消耗moˊ],就耗hoˊ了一個大成本,恁anˋ地neˊ介生理,敢有[華faˇ頭]？若係有,也只不過係[雞公拖木屐kiak,罔mongˋ拖罔呷ziak]介geˊ了ieˊ！

    俗語所講： [生理子]難供giung難生,生理人愛有[嘴馬]又搭dapˋ[會噭gieu又會笑],樣地ngeˊ將樹頂高介鳥仔拐guaiˋ下來落袋,嚎hoˋ嚎嚎！這就係一個大學問囉lioˊ！若係愛做小生理,必須先修[討食成sangˇ型]這門課程------。

◆◆本劇文注解(四縣腔)：
1.生理liˊ：生意。蝕sat本：虧本。
2.較go嚴重：比較嚴重。50儕saˇ：50人。今下ga：現在。
3.儕saˇ儕：人人。伸(剩)cunˊ到：剩下。钁giokˋ頭：鋤頭。
4.唔mˇ係-----就係me：不是------就是。嘎ga無：否則。
5.姑goˊ不而iˇ將：不得不。有兜deuˊ：有些。
6.伯姆meˊ：伯母。若naˊ係he：如果。瑣soˋ費：雜費。
7.好加在：幸好。討食成sangˇ型：像乞丐求取的樣子。
8.運iun轉手：司機。賣鼓：麥克風。堅捱ngai：咬緊牙關。
9.湊deu陣ciin：做伴。消耗moˊ：花費支出。
10.恁anˋ地neˊ：這樣地。華faˇ頭：代價。
11.雞公拖木屐kiak,罔mongˋ拖罔呷ziak：喻利潤雖小,不得已撐下去。
12.難供giung難生senˊ：難得。嘴馬：口才。又搭dapˋ：而且。
13.會噭gieu又會笑：哭笑兼俱。拐guaiˋ下：引誘下來。
14.嚎hoˋ嚎嚎：客語驚嘆詞。眠mingˇ帳：蚊帳。
15.麼makˋ介gai哥：某某先生(含河洛腔)。雞僆long仔neˋ：未曾生蛋的母雞。
16.生sangˊ春：生蛋。豬衁vong仔ngeˋ：豬血。
17.筷菜：韭菜。合gakˋ味mi：合胃口。
18.[拷]loˊ冰：加冰,.[拷]之考字改[老]。當[睛ziangˊ]：瘦肉,[睛ziangˊ]字改肉部[月]。
19.[摩mo兜deuˊ]肉：頸部碰觸豬[兜]的肉,[兜]加竹部。[亥kaiˊ]加提手部：挑擔。