客語朗讀篇章

cybernet

客語朗讀篇章
第一篇          一張桌仔四四方                  四句詩集錦
一張桌仔四四方，紙筆墨硯在中央；一个書生冇停寫，寫出幾多好文章。
八月裡來桂花香，一陣秋雨一陣涼；一支甘蔗十八想，想去想轉都想娘。
不受塵埃半點侵，竹籬茅舍自甘心；只因無識林和靖，惹得詩人說到今。
雲母屏風燭影深，長河漸落曉星沉；嫦娥應悔偷靈藥，碧海青天夜夜心。
花開滿園自然香，八月秋風自然涼；初一殺豬十五賣，臭肉煎油假清香。
行路愛行路中心，兩片樹仔好遮陰；連妹愛連有情妹，千里路遙會來尋。
河中洗菜井水盪，大鑊煮來細碗裝；鑊鏟使到牽牽轉，等候娾哥轉家鄉。
膽又大來心又貪，毋到黃河心不甘；敢上南山打猛虎，敢捉蛟龍落龍潭。
食鹹食甜臭腳臁，不賒不欠毋受嫌；現金買賣不賒欠，甘蔗好食目目甜。
入山看到藤纏樹，出山看到樹纏藤；樹死藤生纏到死，樹生藤死死也纏。
只有相思淚兩行，陽關三疊苦難當；兩地相思難見面，恰似織女對牛郎。
一人撥扇兩人涼，一樹開花滿山香；柑子共皮冇共斂，兩人各姓共心腸。
白白淨淨娾毋貪，烏烏赤赤娾毋嫌；阿哥可比當梨樣，越烏越赤心越甜。
新打鐮刀白光光，鐮刀割草利霜霜；那有鐮刀唔割草，那有妹子唔戀郎。
新打茶壺七寸高，十人看了九人摸；人人都講係好錫，到底不知有鉛冇。
日頭落山滿山紅，我倆分別在路中；心想同郎共下去，無奈心同路不同。

第二篇          路上鳥子叫哀哀                 山歌集錦
路上鳥子叫哀哀，因為無雙到裡來；蝴蝶因為花下死，山伯因為祝英台。
阿哥有意妹有心，鐵尺磨成繡花針；阿哥係針妹係線，針行三步線來尋。
天上雲多月不清，塘裡魚多浪不停；朝裡臣多亂了國，妹係郎多亂了心。
花字寫來二十企，花街場中莫貪其；若係染到花柳病，老婆賴仔不理你。
百花開來滿山香，六月西瓜透心涼；仙草泡茶難解渴，還要阿哥情意長。
春天裡來和風吹，桃紅柳綠燕雙飛；滿園春色撩人醉，鴛鴦戲水永相隨。
夏天裡來豔陽照，荷塘綠波映小橋；花香撲鼻蟬兒叫，池中高唱採蓮謠。
秋天裡來落葉黃，丹桂輕飄滿庭香；鴻燕飛過千層浪，觸景生情思故鄉。
冬天裡來瑞雪飄，玉樹銀花寒風搖；翠柏蒼松迎風笑，雪地臘梅花更嬌。
松樹秧來杉樹秧，仰得大來做船幫？娾今好比池中水，何日才能出大江？
你莫苦來你莫愁，當日蒙正住破窯；劉備先日討過飯，日後也會出人頭。
桃李爭豔牡丹紅，蝴蝶雙飛戲花叢；嬌陽高照小樓東，迎面吹來楊柳風。
今日你我重相逢，你濃我濃，來去匆匆。欲言又無從，傾訴心曲把歌送。
河畔如茵多青蔥，夕陽西下已殘紅。花月良宵不虛空，幽徑對對情人踪，
難忘佳人好顏容。情有所鍾，心意濛濛，柔情千萬種，無限懷念在心胸。
一把芝麻洒上天，肚裡山歌萬萬千；春天唱到秋風起，還要再唱兩三年。

第三篇          過來屏東三十年                 山歌集錦
過來屏東三十年，艱難辛苦冇藏錢；人說南部錢好賺，賺錢辛苦苦難言。
愛唱山歌莫怕羞，唱開眼笑見朋友；山歌都係人創介，自古傳來天下有。
你愛山歌唱你聽，莫嫌山歌莫嫌聲；前生食了鴨公肉，今生唱出鴨公聲。
愛聽山歌請你來，愛聽聰明並口才；我个山歌隨口變，唱到心花朵朵開。
二月燕子口銜泥，一个飛高一个低；路上相逢冇相問，那條心事來怨娾。
好久未曾唱山歌，鼻孔既塞痰又多；好久不曾見你面，口信無搭人無來。
新買扇子七寸長，一心買來你撥涼；若係講著斷情事，撥到天光心不涼。
高山嶺上一頭梅，手攀花枝望郎來；親娘問娾望脈介，娾望梅花幾時開。
山歌唱來意義長，唱出山歌想家鄉；客家文化淵流遠，客家山歌萬里揚。
山歌唱來鬧洋洋，客家文化愛發揚；飲水思源情義重，落葉歸根切莫忘。
有閒時節唱山歌，客家山歌永協和；好韻能興千百業，好歌能解一身勞。
食口泉水涼心頭，唱條山歌解憂愁；清泉解得心頭火，山歌解得萬年愁。
恁久唔識起東風，東風一起滿山動；恁久唔識唱山歌，唱條山歌滿身鬆。
山歌唔係考秀才，好好壞壞唱出來；人人做過十七八，擔干做過嫩筍來。
相逢好似初相識，到老終冇怨恨心；平生莫做皺眉事，世上應冇切齒人。
池塘積水須防旱，田地深耕足養家；根深不怕風搖動，樹正何愁月影斜。


第四篇          勸世文                          客家格言
一來奉勸世間人，愛知爺娘恩義深。細細食娘身上血，苦心養大得成人。
此種恩情若無報，定然天地不容情。二來奉勸世間人，為人兄弟愛同心。
凡事莫聽小人言，愛知兄弟骨肉親。大家盡心同協力，一定泥土變黃金。
三來奉勸世間人，為人夫妻愛同情。莫來因端生小事，就來一旦怒傷心。
合家老幼愛和氣，勤儉何愁家不興。四來奉勸世間人，近鄰勝過遠方親。
出入大家愛照顧，頭路各人愛認真。萬一若有緊急事，也愛隔壁靠舍鄰。
五來奉勸世間人，手藝一定愛在身。夜眠愛來清早起，學有手藝不愁貧。
手藝若係做來好，到處也有人來尋。六來奉勸世間人，和人買賣愛公平。
秤斗出入要秤正，天上鑒察有神明。各人存心守本分，不可枉來欺騙人。


第五篇          十二月古人歌                   客家傳仔
正月裡來是新年，玉石浮江雪玉蓮，脫得花鞋離苦去，連喊三聲王狀元。
二月裡來百花開，小姐打扮上樓台，繡球打中呂蒙正，蒙正真是好人才。
三月裡來三月三，昭君娘娘去和番，抬頭看見毛延壽，手攬琵琶馬上彈。
四月裡來蓮花紅，秀梅遇到張樹春，有緣千里來相會，冇緣對面唔相逢。
五月裡來是端陽，漢朝出有楚霸王，霸王死在烏江上，韓信功勞在何方？
六月裡來熱難當，馬上抱刀楊六郎，京城做官劉志遠，房中推磨李三娘。
七月裡來秋風起，孟姜女子送寒衣，孟姜烈女尋夫主，哭斷長城八百里。
八月裡來秋風涼，梅倫害死蘇娘娘，李氏夫人來代死，判官一本奏君王。
九月裡來是重陽，單刀匹馬關雲長，過了五關斬六將，擂鼓三通斬蔡陽。
十月裡來小陽春，孟宗哭竹見孝心，孟宗哭出冬生筍，郭巨埋兒天賜金。
十一月裡過大江，丁山有子叫薛剛，甘羅十二為丞相，太公八十遇文王。
十二月來又一年，韓公走雪真可憐，中途遇見韓湘子，雪湧藍關馬不前。


第六篇          十粒卵八粒精              改編自徐老師講古
    頭擺！頭擺！有一个老阿姆盡窮，佢供一个賴仔一个妹仔。後來，妹仔長大哩，嫁給一个真有錢介人家，田地亦闊哦！聽講一年收租幾下百擔个穀。愛請長年工做事，佢老弟就去同阿姊食頭路。做到秋尾割禾了後，就同阿姊辭別講：「冇愛做了。」認為阿姊冇良心，量穀分佢老弟做工錢个時節，就變鬼怪。老早介時代，係用斗來量穀。這滿若姊量一石穀裡肚，就有兩斗空殼，老弟拿去礱穀，礱穀轉來祇賸下四斗米，阿姆就講：「哎呦！做麼該，同阿姊拿个米恁冇純，往擺買个米，一石穀還礱有五、六斗米好食。這下，若姊个穀煞礱冇兩斗米好食。」老弟就講：「娾那會知呢！」
    老阿姆過了有好久就死了。死了後，佢妹辦牲禮來拜佢姆，外家就講要回敬八个頭牲分佢畜。回敬去堵堵好是一个雞嬤，聽講盡會生卵，生十粒就有八粒精個孵出雞子。生十二粒卵，也是八粒會孵出雞子，其他做下冇用啦！這个雞嬤真會生卵，不過生越多卵，總係孵出八个雞子忒停。
    壞哩！有一擺，這个雞嬤生卵，堵堵好漘口，煮一大鑊介滾水，滾泡泡氣冒冒，本愛來温豬菜介啦！冇想到該个雞嬤，好死唔死，對對就跳落該鑊頭肚，煞熝去死翹翹了。厥妹看着這雞恁肥，熝死恁打爽，就捉來拔毛切割，切一塊一塊丟入鑊肚，再倒麻油，放薑絲炒炒呀，再倒酒落去煮，煮雞酒就是了。害佢食了面紅耳赤，歡喜不得了。該暗晡佢就發夢，厥姆託夢分佢講：「某人啊！該个雞嬤妳毋好食啦！該个雞嬤就是阿姆，阿姆變來分妳介。妳為富不仁，若老弟同妳做工，量穀分老弟賭數，一石穀就賸八斗精个米，所以娾變成該个雞嬤，每次生卵就八粒精介忒停啦！」
    第二日天光，厥妹就快快將該鑊雞酒倒掉了。厥姆又去託夢分厥賴仔，講同厥妹仔一樣介話，該个雞嬤就係阿姆變了。老弟就走去問厥姊講：「阿姆託夢个事係有影冇？」厥姊毋敢講耗嘐話，就照實講：「上次娾實在太貪心，量一石穀分你，其中就攙兩斗空殼。娾做毋錯了，這是阿姆來報冤仇。當初娾實在毋曉想了。」厥姊緊想緊慚愧緊傷心，害阿姆死了還要變雞嬤，來指導佢。經過這次教訓後，厥妹仔變為一个盡有良心介善人。


第七篇          七層塔              選自古國順《客語記音訓練教材》
    老牛牯，角叉叉，食飽毋顧家。七層塔，點紅臘，紅臘高高插。大鳬鴨，目珠眨啊眨，孵卵用腳踏。十七八，做警察，事業會發達。講花舌，分人罰，見人毋得冇結煞。唐三伯著白衫，分人請，三步打做兩步行。蔡牙科，新開業，大優待，請莫錯過好機會。
    小姓姓胡，在縣政府做會計，這回來貴地訪問，感覺盡歡喜。人字樣般寫？先生喊娾問阿姐，阿姐講：「人字寫來兩片斜。」乞食想計，行到新屋街，堵到一隻大黃蟻，黃蟻公也想毋解。大姊著新靴，吂曾行就坎坎坷；老妹著新靴，毋曉行，濫撒搝。一盤魚仔寡寡頭，寡寡頭，寡寡頭，瓠仔拿來換冬瓜。
    佢等比娾先來到。算命先生走江湖，去鄉公所報出生，又去屏東訪朋友，參加客家話演講。佢和朋友共路行，行到三更思想起，先生問佢脈介名，佢答先生生命最寶貴。這件事有問題，這回事娾唔知，大人做事細人看，魚頭三分參。吂學行先學走，冇用介東西！愛知，忍一時安然自在。
薄紙一疊，一疊五十張。西瓜兩粒，兩粒二十斤。三妻四妾毋係福，搶人打劫冇好尾。東西南北，好食毋好塞。你講菜頭，娾講蘿蔔。官兵捉拿強盜惡賊，上山獵虎，拳打腳踢。加一點，少一撇，舂白米打新鐵。冬至大暑一寒一熱，咒孤罵絕最冇口德。風吹沙括，冇結冇煞，三十歲遊遍天下各國，愛重視道德。


第八篇          彭祖焚香             選自古國順《客語記音訓練教材》
    漢武為君想變仙，石崇豪富歎冇錢；嫦娥照鏡嫌貌醜，彭祖焚香祝壽年。
關老爺騎馬到潼關，十字街頭過圓環，車輛恁多佢毋慣，落銀行辦理貸款。拿金銀分阿婆，再去受訓，當海軍，建立大功德，轉歸來，大家歡喜笑呀呀！
大鳥度細鳥，樹頂嗶嗶跳。細人總愛有好料；有好搞，毋會飢；毋會枵。一家三口，過畜兩條狗做伴。騎馬坐轎，賭繳使梟，十繳九輸，總會輸到冇米煮。冇緊冇要，做事難成，牛牯翻身，地動山搖，行路才會慢慢搖。
烏雲冇骨在天邊，人影冇骨在身邊。黃牛牯，角彎彎，載老爺，過三關，三關轉來皮頑頑。李文古，去出勤，半路堵到嘉慶君。貓頭鳥，面藕藕，日裡討食看毋到，夜裡討食博人惱。逃學狗，滿山走，毋讀書，得人愁，阿姆打，哇哇叫。
人貴自立，行事莫急，見惡如探湯，見善如不及。有燥有濕，瓜子果汁，各取所需，一份三十。一點一滴，石灰油漆，易經八卦，大利大吉。三橫六直，一官半職，出外多年，冇人相識。兄弟同盟，招募親朋，攬子飼奶，憑壁坐凳。
天生性耿，毋使人牽，下崎挺肚，上崎挷藤。能算能斷，心專石穿，走馬行船，英雄好漢。頭頂雙旋，性耿心軟，雞啄鴨餟，文武雙全。
良言一句三冬暖，惡言傷人六月寒；行船走馬三分險，不如在家較安全。
早起三朝當一工，懶人睡到日頭紅；莫講別人愛早起，免得冬下落雪風。


第九篇          月光光                   童謠集錦
月光光，照心窩。排排坐，唱山歌。爺打鼓，娘打鑼，賴仔洗鑊頭，心舅炒田螺，阿公撿材蹦蹦跳，阿婆燒火背駝駝。食田螺，唱山歌，全家歡喜笑呵呵。
月光光，溜溜光。船來等，轎來扛。一扛扛落河中央，蝦公毛蟹拜觀音。觀音腳下一頭禾，割著三擔過一籮。大人挑一擔，細人扛一籮，扛到背駝駝。
月光光，照蓮塘。蓮塘背，種韭菜。韭菜開哩花，摘來饗公爸，公爸吂亢起；摘來饗姊姊，姊姊吂梳頭；摘來誘黃牛，黃牛跌落井，水牛來救命；黃牛跌落溪，水牛來挷尾。月光光，樹頭背。雞公礱穀狗踏碓，狐狸燒火貓炒菜。
月光光，照四方。四方暗，跌落坎，坎下拈枚針，拿來敬觀音，觀音微微笑；拿來換大貓。大貓王，偷干塘，塘冇魚；偷挖薯，薯冇肉；偷斬竹，竹冇杈，跌落山腳下。皮做皮；骨做骨，扛過饒平換豬肉。豬肉香，換南薑；南薑辣，換鐃鈸，鐃鈸捩捩轉，換芋卵；芋卵綿，換銅錢；銅錢爛，換火炭；火炭烏，換條豬；豬愛走，換條狗；狗愛吠，換條袋；袋恁長，換條羊；羊愛死，由得佢。
月光光，夜夜光。船來等，轎來扛，扛到李屋場，點火看新娘，新娘十分靚；扛去下湯坑，湯坑三步路。豬肉煮豆腐，豆腐密密溶，阿妹拿竹筒，竹筒冇米裝，阿妹出外鄉。外鄉有麼人？有母舅。大舅打介大燈籠；細舅打介洋燈芯，上間點火下間光，照見新娘盤嫁妝。大介盤來十八籠；細介盤來十八箱，吂開籠，先開箱，衣裳有花又有黃，暢到哈哈笑，就來著衣裳，拿出這件嫌過短；拿過該件又忒長，幾箱衣裳冇件好，緊想緊真緊心傷，點炷火，燒呀光。


第十篇          妙語如珠                   童謠集錦
阿鶖箭，尾駝駝，冇爺冇哀跟叔婆。上背阿婆做生日，赤腳馬，行過河。阿婆呢？掌牛哩！牛呢？賣忒哩！錢呢？討補娘哩！補娘呢？種菜哩！菜呢？開花哩！花呢？結子哩！子呢？打油哩！油呢？點火哩！火呢？分阿鶖箭噴烏哩！阿鶖箭，阿鶖唧，上背叔婆做生日。愛分娾去，也毋分娾去，害娾打扮兩三日。
    鴨嬷呱呱，挑水過夜。挑分麼人？挑分鄰舍。鄰舍刁琢，交分木杓。木杓舀水，交分酒罍。酒罍摻糟，交分剪刀。剪刀落地，交分黃帝。黃帝上天，交分神仙。神仙有法，交分臘鴨。臘鴨有油，交分黃牛。黃牛食草，交分大嫂。大嫂命歪，交分老弟。老弟命短，交分竹管。竹管有空，交分覡公。覡公多嘴，交分鹹菜。鹹菜上白，交分白石。白石擂鼓，交分狗牯。狗牯爬沙，交分冬瓜。冬瓜扯皮，交分瘌痢。瘌痢娾醫好，冇錢米也有。
    小白菜呀！地裡黃。三歲兩歲沒了娘，好好跟著爺爺過，就怕爺爺娶後娘。娶了後娘三年整，生个老弟比我強。老弟食肉我飲湯，拿起飯碗淚漣漣。親娘想我一陣風，我想親娘在夢中。河裡開花河裡落，我想親娘麼人知？想親娘呀！想親娘。夜裡聽到蟈蟈叫，日裡見到山水流。有心愛跟山水走，又怕山水不回頭。
    山歌多來山歌多，一鑊米酒幾多糟？一斗油蔴幾多粒？一條貓公幾多毛？
山歌多來山歌多，一鑊米酒半鑊糟；油蔴算斗唔算粒，貓公算條唔算毛。

cybernet

http://www.npue.edu.tw/library/u ... %AF%87%E7%AB%A0.doc

DOC]
客语朗读篇章
- 繁 -
文件格式: Microsoft Word - HTML 版
一张桌仔四四方，纸笔墨砚在中央；一个书生冇停写，写出几多好文章。 八月里来桂花香，一阵秋雨一阵凉；一支甘蔗十八想，想去想转都想娘。 ...
www.npue.edu.tw/library/upload/message_new/d090%5C客語朗讀篇章.doc

yanxiuhong

有兴趣的朋友，可以继续录制，丰富客语材料数据库。

须留意：

1，适当的改为当地顺口说法，染切莫随意改动太多。
2，录音注意节奏，适当地表达客语音韵之和美。
3，录音环境须清静

yanxiuhong

第二篇-路上鸟子叫哀哀-平远北部.mp3 (796.34 KB, 下载次数: 39)

2009-2-26 23:16 上传

点击文件名下载附件

第二篇        路上鸟子叫哀哀（平远北部口音-yanxiuhong）

路上鸟子叫哀哀，因为无双到里来；蝴蝶因为花下死，山伯因为祝英台。
阿哥有意妹有心，铁尺磨成绣花针；阿哥系针妹系线，针行三步线来寻。
天上云多月不清，塘里鱼多浪不停；朝里臣多乱了国，妹系郎多乱了心。
花字写来二十企，花街场中莫贪其；若系染到花柳病，老婆赖仔不理你。
百花开来满山香，六月西瓜透心凉；仙草泡茶难解渴，还要阿哥情意长。
春天里来和风吹，桃红柳绿燕双飞；满园春色撩人醉，鸳鸯戏水永相随。
夏天里来艳阳照，荷塘绿波映小桥；花香扑鼻蝉儿叫，池中高唱采莲谣。
秋天里来落叶黄，丹桂轻飘满庭香；鸿燕飞过千层浪，触景生情思故乡。
冬天里来瑞雪飘，玉树银花寒风摇；翠柏苍松迎风笑，雪地腊梅花更娇。
松树秧来杉树秧，仰得大来做船帮？娾今好比池中水，何日正能出大江？
你莫苦来你莫愁，当日蒙正住破窑；刘备先日讨过饭，日后也会出人头。
桃李争艳牡丹红，蝴蝶双飞戏花丛；娇阳高照小楼东，迎面吹来杨柳风。
今日你我重相逢，你侬我侬，来去匆匆。欲言又无从，倾诉心曲把歌送。
河畔如茵多青葱，夕阳西下已残红。花月良宵不虚空，幽径对对情人踪，
难忘佳人好颜容。情有所钟，心意蒙蒙，柔情千万种，无限怀念在心胸。
一把芝麻洒上天，肚里山歌万万千；春天唱到秋风起，还要再唱两三年。
https://www.hakkaonline.com/attachment.php?aid=17992

kenber

好！亻厓最鍾意聽各地口音啦。
今蒲夜就轉去慢慢錄 ，唔過樣邊發出來呀，發去奈廳（哪裏）啊？

cybernet

經典蕉嶺腔(臺灣嘉應四縣腔)
http://www.tudou.com/programs/view/RZFr5A6UwuA/
http://www.tudou.com/v/RZFr5A6UwuA/
第二篇          路上鳥子叫哀哀                 山歌集錦
路上鳥子叫哀哀，因為無雙到裡來；揚葉(蝴蝶)因為花下死，山伯因為祝英台。
阿哥有意妹有心，鐵尺磨成繡花針；阿哥係針妹係線，針行三步線來尋。
天上雲多月不清，塘裡魚多浪不停；朝裡臣多亂了國，妹係郎多亂了心。
花字寫來二十企，花街場中莫貪其；若係染到花柳病，老婆賴仔不理你。
百花開來滿山香，六月西瓜透心涼；仙草泡茶難解渴，還要阿哥情意長。
春天裡來和風吹，桃紅柳綠燕雙飛；滿園春色撩人醉，鴛鴦戲水永相隨。
夏天裡來豔陽照，荷塘綠波映小橋；花香撲PUK鼻蟬兒叫，池中高唱採蓮謠。
秋天裡來落葉黃，丹桂輕飄滿庭香；鴻燕飛過千層浪，觸景生情思故鄉。
冬天裡來瑞雪飄，玉樹銀花寒風搖；翠柏蒼松迎風笑，雪地臘梅花更嬌。
松樹秧來杉樹秧，仰得大來做船幫？娾今好比池中水，何日才能出大江？
你莫苦來你莫愁，當日蒙正住het破窯；劉備先日討過飯，日後也會出人頭。
桃李爭豔牡丹紅，蝴蝶雙飛戲花叢；嬌陽高照小樓東，迎面吹來楊柳風。
今日你我重相逢，你濃我濃，來去匆匆。欲言又無從，傾訴心曲把歌送。
河畔如茵多青蔥，夕陽西下已殘紅。花月良宵不虛空，幽徑對對情人踪，
難忘佳人好顏容。情有所鍾，心意濛濛，柔情千萬種，無限懷念在心胸。
一把芝麻洒上天，肚裡山歌萬萬千；春天唱到秋風起，還要再唱兩三年。


叫愿愿geu ngian ngian=叫丫丫 geu ngia ngia=叫哀哀

[ 本帖最后由 cybernet 于 2009-2-28 23:41 编辑 ]

cybernet

http://www.tudou.com/programs/view/jMc83AxY1Tc/
http://www.tudou.com/v/jMc83AxY1Tc/
第三篇          過來屏東三十年                 山歌集錦
過來屏東三十年，艱難辛苦冇藏錢；人說南部錢好賺，賺錢辛苦苦難言。
愛唱山歌莫怕羞，唱開眼笑見朋友；山歌都係人創介，自古傳來天下有。
你愛山歌唱你聽，莫嫌山歌莫嫌聲；前生食了鴨公肉，今生唱出鴨公聲。
愛聽山歌請你來，愛聽聰明並口才；我个山歌隨口變，唱到心花朵朵開。
二月燕子口銜泥，一个飛高一个低；路上相逢冇相問，那條心事來怨娾。
好久未曾唱山歌，鼻孔既塞痰又多；好久不曾見你面，口信無搭人無來。
新買扇子七寸長，一心買來你撥涼；若係講著斷情事，撥到天光心不涼。
高山嶺上一頭梅，手攀花枝望郎來；親娘問娾望脈介，娾望梅花幾時開。
山歌唱來意義長，唱出山歌想家鄉；客家文化淵流遠，客家山歌萬里揚。
山歌唱來鬧洋洋，客家文化愛發揚；飲水思源情義重，落葉歸根切莫忘。
有閒時節唱山歌，客家山歌永協和；好韻能興千百業，好歌能解一身勞。
食口泉水涼心頭，唱條山歌解憂愁；清泉解得心頭火，山歌解得萬年愁。
恁久唔識起東風，東風一起滿山動；恁久唔識唱山歌，唱條山歌滿身鬆。
山歌唔係考秀才，好好壞壞唱出來；人人做過十七八，擔干做過嫩筍來。
相逢好似初相識，到老終冇怨恨心；平生莫做皺眉事，世上應冇切齒人。
池塘積水須防旱，田地深耕足養家；根深不怕風搖動，樹正何愁月影斜。

cybernet

http://www.tudou.com/programs/view/WODqsf-jcks/
http://www.tudou.com/v/WODqsf-jcks/
第四篇          勸世文                          客家格言
一來奉勸世間人，愛知爺娘恩義深。細細食娘身上血，苦心養大得成人。
此種恩情若無報，定然天地不容情。二來奉勸世間人，為人兄弟愛同心。
凡事莫聽小人言，愛知兄弟骨肉親。大家盡心同協力，一定泥土變黃金。
三來奉勸世間人，為人夫妻愛同情。莫來因端生小事，就來一旦怒傷心。
合家老幼愛和氣，勤儉何愁家不興。四來奉勸世間人，近鄰勝過遠方親。
出入大家愛照顧，頭路各人愛認真。萬一若有緊急事，也愛隔壁靠舍鄰。
五來奉勸世間人，手藝一定愛在身。夜眠愛來清早起，學有手藝不愁貧。
手藝若係做來好，到處也有人來尋。六來奉勸世間人，和人買賣愛公平。
秤斗出入要秤正，天上鑒察有神明。各人存心守本分，不可枉來欺騙人。