|
|
各位客家同胞齐家好!
厓系阿林!崖来自中国台湾省台北市,今晡日恁欢喜同齐家共下来遏儿(e-ie这儿)坐聊.
厓系中国台湾省新竹县关西镇出世嘅,祖籍系:广东省惠州府博罗县,照理话,厓屋下人应该讲博罗本地客家话,唔过係百年前,崖祖先因为一只人同陆丰、海陆来嘅客家人共下偷渡来台湾参加开发,故所就开始同陆丰、海陆客家人学倔嘅客家话,再话来台湾嘅东江客真真好少,到了崖祖先来台第二代开始,就改讲嗰央时台湾客家人最多嘅海陆/梅州客家话,到今,崖屋下已经冇人会讲博罗话,实在在过!
到崖遏一代,因为台湾有普通话嘅猎时(流行),同崖共下读书嘅台湾客家人有刮多唔会讲客家话,有兜还改讲鹤佬话(闽南话),变成了地道嘅“半山客”（鹤佬客）。比如崖初中嘅时途,崖班上六个客家人中,就有四个“半山客”，虽然在嗰时嘅台湾已经成立“宝岛广播客家电台”，但系，在嗰时我兜都系快啲准备高中入学考试嘅学生，仰般有得闲同心情去收听电台节目？故所，唔会讲客家话嘅后生人就永远冇机会去学讲客家话，会讲客家话嘅客家人也冇几多嘅机会在台湾好少讲客家话嘅客家话，真真好才过！
虽然有恁多人因为长期在客家乡镇同地区外背工作/读书嘅关系冇刮多嘅机会讲客家话，但系崖就唔一样了，样般讲崖唔一样？因为崖台北屋下附近有好多嘅客家人，崖都戏在每暗晡崖下班得闲嘅时途去寻佢聊同打牙蛇，赫赫！
崖记得有一个六十过零岁係崖屋下对面市场肚，在每下昼15：30开始开排档卖面食同夜点嘅阿伯，佢同崖一样系新竹县关西镇嘅客家人，佢十分好，刮爱同住在附近嘅邻舌共下来坐聊，起中有一个系崖，崖记得崖第一次去倔面档买夜点食嘅时途，因为崖知得佢也客家人，故所崖第一次同佢买夜点嘅时候就同佢讲客家话，结果佢十分惊奇，做乜嗰十分惊奇？因为受到崖台湾征服强行推行普通话教育影响，有刮多同崖一样年纪嘅台湾客家后生有50%以上唔会讲客家话，特事系住在台北城肚儿嘅客家后生，一样住才台北市城肚儿，崖会讲客家话，真真“唔可思义”！因为佢后来有话崖知：倔妇娘（老婆）虽然都系客家人，但系受到台北市冇讲客家话环境嘅关系，倔孻儿唔会讲客家话，就算教佢学讲同要求，好奇怪哦！佢就唔想、唔爱、唔愿意学，再讲倔住嘅环境附近地区都有讲普通话同鹤佬话嘅邻舍，倔孻儿就系在讲普通话同鹤佬话嘅环境生活到今,故所已经变成咧”半山客”.
故所,崖认为客家文化嘅保存电视、电台最重要,报纸、杂志虽然也系重要，但系冇重要过有声音嘅电视、电台，就象今下嘅台湾有客家电视台同广播电台，做得分好多客家人收看收听客家话发声嘅节目，也做得分台湾南部嘅“六堆”客家人认识到北部地区最猎时嘅“海陆丰客家话”。崖记得在客家电视台出来之前，台湾南部嘅客家人因为从来唔田听过、也冇办法听过北部地区猎时嘅海陆丰客家话嘅时途，六堆客家人初初来北部听崖兜新竹客家人讲嘅“海陆丰客家话”，都听唔识，有啲六堆客家人还以为崖兜新竹讲“海陆丰客家话“嘅客家人系讲”广东话来嘅“香港人？！呵呵！还有啲六堆客家人还以为崖兜新竹客家人讲嘅客家话系”“带广东腔”嘅客家话，崖记得崖初初在同崖初中讲梅州客家话（桃园县中坜市的客家人）嘅同学认识嘅时途，佢就恁样话：哎呀！崖听偌嘅客家话系“广东腔”嘅客家话…。呵！真真刮生趣！
后来崖就开始拚搏学梅州客家话，不过崖学同讲梅州客家时间就咧，海陆丰客家话就慢慢讲讲唔顺咧，但是到咧崖来大陆广东工作以后崖又过开始重视海陆丰客家话咯！遏系受到崖往摆交嘅河源龙川女朋友嘅，样般讲咧？！因为崖在同佢交往嘅时途，崖同佢讲梅州客家话，佢听得十分辛苦，后来崖发现佢讲嘅龙川老隆客家话同崖做细人时途讲嘅海陆丰客家话，有啲相似，故所崖又开始用海陆丰客家话同佢讲话！
到今，崖虽然已经同佢分手，崖还系十分重视讲“梅州”，“海陆”两种两个客家，因为崖在广东深圳读书，崖做得发现讲同遏个两种客家话口音嘅客家人真真唔算少！
又来到老地方…
共样嘅地泥…
共样嘅山歌…
共样嘅日头…
冇共样嘅人…
 :jump::shy::shy::shy::shy::shy::shy::jump::shy::shy:
[ Last edited by 台湾客家人阿林 on 2005-7-8 at 23:19 ] |
|
狗仔卡
发表于 2005-4-22 19:55:35
变色卡
抢沙发
发表于 2005-4-22 20:00:06
发表于 2005-4-22 20:06:45
发表于 2005-4-22 20:16:52
