業牯 于 2003-7-11 23:26 写道：
我最欣賞的歌手是謝雨威, 不知哪有他的專輯?
请大家广泛传播客家流行歌曲，买正版个客家流行歌曲专辑，支持客家流行歌曲创作！
http://hakka.tw.im.tv/Music/C1/C498.wma
《月光光》（邱幸仪个客家流行歌曲）
最流行个台湾客家流行歌曲精选20首，值得汝涯细细品味，点击快速下载（为尊重客家流行音乐人个成果与版权，下载后禁止上传到其他网站服务器）：
1. 掌中印（萧宝环。2005年底最新客语流行大碟《掌中印》主打歌）
2. 花树下（谢宇威。第15届金曲奖得奖歌曲， 电视剧《油桐花之恋》主题曲）
3. 远方的鼓声（东东。第16届金曲奖得奖曲，偶像剧《弥浓恋情》主题曲）
4. 月光光（邱幸仪。第一届客家流行歌曲创作比赛亚军、最佳票选歌曲，获奖金40万）
5. 心手相连（刘平芳&彭月春&徐子雁&古重礼，客家语群星专辑主打歌）
6. 黃杨叶 满天飞（客家邓丽君陈双。客语流行歌曲专辑《黃杨叶 满天飞》主打歌）
7. 瞬间（台湾金曲歌王刘劭希&台湾美声天后许景淳。2005年底最新专辑歌曲）
8. 髻鬃花（郑朝方。第二届客家流行歌曲创作比赛最佳票选歌曲）
9. 临暗（林生祥。第16届金曲奖最佳乐团、最佳客语流行演唱专辑、最佳作词人得奖曲）
10. 燕子（邱幸仪——客家流行乐坛新生代歌手。第一届客家流行歌曲创作比赛入围歌曲）
11. 再想汝一遍（王羽馨，客家流行歌坛老将个最新专辑歌曲）
12. 无言花（萧宝环。2005年底最新客语流行大碟《掌中印》推荐曲）
13. 红梅（邓百成-----客家老牌歌星。曾入围第2届和第3届金曲奖"年度最佳男歌手"）
14. 桐花儿（邱凰玉&阿淘哥。2005年台湾客家桐花祭主题曲）
15. 怪歌（颜志文-----客家流行乐坛主将。第一届客家流行歌曲创作比赛佳作）
16. 在这恬靜的暗埔头（黃连煜&刘若英。刘若英个客家语流行歌曲处女作）
17. 五月雪 （徐筱寧。第16届金曲奖得奖歌曲）
18. 真爱（东东——客家城市歌手。第16届金曲奖得主个歌曲）
19. 野上野下（陈冠宇——客家流行乐坛巨人。最新客语流行大碟《好客戏》推荐曲）
20. 梦土（邱俐绫——客家流行乐坛新人。电视剧《恋恋旧山线》片尾曲）
买客家流行歌曲专辑请进： https://www.hakkaonline.com/foru ... hread&tid=23185
台湾客家流行歌曲精选20首歌词专区：
1.《掌中印》（萧宝环）
詞/曲：游兆棋 編曲：李興宇 編曲修改：劉劭希
行一步路 行過幾多風與霧，假使摁沒緣分 仰會相知相愛相守。 恩介愛 就像風中个花蕊，短暫又美麗 凋落隨風去。 敢係緣分淺 注定難相守一生，敢係月老斷了線 怨多情人空遺 。 假使有來生 毋驚你變心，只怕來生難再相遇，茫茫人海裡奈位尋到你，讓涯在你手中留下印，假使有輪迴 毋驚你變心，千山萬水 也會尋到你，畫在你手中印 讓涯在來生相認 。
2.花树下（谢宇威）
词/曲：阿淘哥（陈永淘）
（口白）花樹下，汝曾聽過麽。 花樹下，開个滿滿个花 。汝若行過去，介紅紅白白噶花。 就跌落汝面前，跌落汝肩背，跌落汝腳下。花樹下，汝曾聽過麽。
花樹下，開个滿滿个花。人係行過去，介紅紅白白噶花。就跌落汝面前，跌落汝肩背，跌落汝腳下。花樹下，有一個藍衫店耶。花樹下，有一個老師傅喔。做過个藍衫衫，著過个細妹耶。就像介門前花，來來去去。吾知幾多儕花樹下，哼~~~花樹下，哼~~~介花樹下，啊~~~花樹下，汝曾聽過麽。花樹下，開个滿滿个花。花樹下，有一個藍衫店耶。花樹下，有一個老師傅喔。花樹下，有一個老三點耶。花樹下，有一個老師傅。花樹下，汝曾聽過麽。花樹下......
3.远方的鼓声（东东）
词/曲：东东（汤运焕——第16届金曲奖最佳客语演唱人奖得主）
在很久很久以前，有一个客家后生人。渠用了一生个时间，去寻找传说个鼓声。渠爬过最高个山，跨过最深个大海。个鼓声到底在哪里？突然之间，那远方个鼓声又响起，跟着祖先个山歌，传到这里。那远方个鼓声又响起，跟涯说涯从哪里来，远方个鼓声。
在很久很就以前，有一个客家后生。渠速渡重洋，去寻找传说个鼓声。渠爬过最高个山，跨过最深个大海。那鼓声原来就在渠个心中，突然之间。
那远方个鼓声又响起，跟着祖先个山歌，传到这里。那远方个鼓声又响起，跟我说涯从哪里来，远方个鼓声。
Bridge
阿公同渠说，凡事爱努力打拼，将来要做个有用个人。路还很长，汝要脚跟站直走下去，走下去。
那远方个鼓声又响起，跟着祖先个山歌，传到这里。那远方个鼓声又响起，同涯讲，涯系客家人，远方个鼓声。
Chrous Repeat
那远方个鼓声又响起，跟着祖先个山歌，传到这里。那远方个鼓声又响起，同涯讲涯从哪里来，远方个鼓声。
4.月光光（邱幸仪）
词/曲：邱幸仪
日头烈拿毋定爱行哪一条路， 安静个夜又想起阿公个慈容，添忘忒么介时节捱紧行紧远，寻毋转自家。 忒阿婆屋卡有千百条故事个龙眼树下共下吊杠干，田坵底背镜鲜个圳子，捱等共下觅蛤子。为了么介爱离开头摆单纯个世界，想念 童年。 月光光，秀才郎，这介故事捱已经从细听到大，对头摆耶流传 下来。月光光，秀才郎，今晡日捱等变哪冇一样，忒月光底下讲古个老人家 奈起耶。 想念童年。
5.心手相连（刘平芳、彭月春、徐子雁、古重礼，客语群星）
词曲：小古（古重礼） 编曲：栾克勇
（徐子雁）：在这处处温煦个世间，人与人之间不分富贵贫贱。
（彭月春）：付出真心真意个爱恋，期待在明天，汝会了解，爱心充满人间。
（古重礼）：世间，有汝付出奉献，有笑有泪个每一天，充满笑颜，处处温煦奉献。
（刘平芳）世间，牵汝个手来牵，无论世间如何变迁，你我之间，心手相连有一片天。
（客语群星合唱）：企在蓬蒿无处个路边，有汝个出现，有一苍海桑田。在这不分你我个岁月，付出个一切，心甘情愿，也无人好埋怨。
（重复）世间，有汝付出贡献，有笑有泪个每一天，充满笑颜，处处温煦奉献。世间，牵汝个手来牵，无论世间如何变迁，你我之间，心手相连有一片天。
6. 黃杨叶 满天飞（陈双）
词/曲：吴建森 傅也鸣
朝来食露夜来归，满山满园花前会，煞猛打拼无人知，来唔会暗自悲。他人论事全是非，今生欢喜你来陪，千种风情增新岁，来去世间就这回。黃杨叶喂满天飞，时时刻刻伴相随。风来雨打任在伊，海枯石烂共一堆。黃杨叶喂满天飞，永永远远配成对。食苦操劳无问题，天长地久不后悔。
7.瞬间（刘劭希&许景淳）
詞/曲/編曲/混音:劉劭希 錄音:劉錦昌/劉劭希
（女：许景淳）我在山的這位，你在山的那位，青山的距離親像無邊際，你可知我痴痴念念等你。
（男：刘劭希）風雨急急瀝瀝，洪流越來越近，夢想的天堂轉眼化作灰，你可知我痴痴念念全係你。
（女：许景淳）想化作山嵐向你飛過去，感知你共樣不變的的笑語。
（男：刘劭希）就算大山崩落在面前，就算黃泥淹沒我的眼。
（合）我情情切切，雖然只剩瞬間。
（女：许景淳）想倒轉歲月轉去到從前，無可能讓你離開我身邊。
（男：刘劭希）就算命中注定似雲煙，就算無可奈何難變天。
（合）我情情切切，雖然只剩瞬間， 瞬間。
（Bridge）我盼望能平安歸來，就算只能再見一面 。
8.髻鬃花（鄭朝方）
詞：葉子 曲：鄭朝方
在家鄉 開等一蕾白白靚靚介花，一蕾花 看起來就像人擎等一支遮。打早 在田園山崎 暗晡頭又轉到涯介屋下，該蕾花 係阿婆頭林頂介髻鬃花。髻鬃花 唔驚日頭烈烈天公轉風車，哈哈 毋管到奈位，心肝盡在，心頭暖，一支遮 髻鬃花，你看該，迷人花香毋會差。該蕾花，汗水香，囥等親情分麻儕。髻鬃花，係恁樣，勞勞碌碌 朝晨做到，日頭斜斜。髻鬃花，你看該，阿婆越老越開花。該蕾花，白雪雪，青絲變白髮為了家。這蕾花，係恁樣介永永遠遠，日日年年開等啊。
9. 临暗（林生祥）
词：钟永丰 /林生祥 曲：林生祥
臨暗，收工。一個人行 佇都市。捱目珠吊吊 頭臚冇冇，蓋像自家已經 灰飛腦散。 三不時 捱失神走志，浪浪蕩蕩 穿弄過巷，盡想 聽一聲阿姆籲細人仔洗身，盡想 鼻一下灶下裏 煎魚炒菜介味氣。 臨暗，愐起 阿公講介家族史，捱等這房歷代犁耙碌碡，今捱都市打拚，愛學開基祖。 暮麻，一個人 行中山路，輐中正路，論萬盞火 照毋光腳下介路，人來人去算毋利，冇人好問，食飽喂冇。
10.燕子（邱幸仪）
词/曲：邱幸仪
遠方日頭落山下，燕子歸屋卡。冇管歸路有多彎曲，冇會添望忒。記憶中有一本老相簿。記載等捱等個笑容，腳踏車個車輪仔轉冇停，載捱歸故鄉。寒天一過春天又轉來，看介樹仔頂上開滿了思念個花，等有一日再歸來這老屋卡。寂寞心情像風沙，心中有隻燕子自由自在，跟等佢去找自家。天公辣辣個日頭，照亮童年，永遠忒轉哪轉，從細到大有一介夢，隨等捱盛開忒，一介安靜個小世界，收集幸福故事，遠方日頭落山下，燕子歸屋卡，冇管歸路有多彎曲，捱會找到自家。
11. 再想汝一遍（王羽馨）
词：王羽馨 曲：王羽馨
涯還記得該落雨天，曾經過看汝一遍，敢係捞汝恁無緣，以後再無見面。吂曾之間又過一年，時間過去人會變，涯个心情像從前，汝个人敢有變。這幾日仔雨落無停，再次喊捞去夢到汝，涯毋係想再看著汝，涯實在想再想一遍。
12.無言花（蕭寶鐶）
詞/曲：游兆棋 編曲：李興宇 編曲修改：劉劭希
靜靜聽風中傳來輕送，繁華个世界本係一場夢，失去个難再留雖然心還在痛，人生本來就係無常。又何必一顆心影無蹤，又何必怨嘆人生如夢，花無言 ，在心中無戀無情無愛 ，徒留花如淚般凋落無言花搖曳在風中 ，無言話隨風輕吹送 ，等待有心人來訴情衷， 溫暖小小介心房， 無言花墬落在風中， 無言話深埋在心中假使你還有心來相惜， 陪渡過寒冷介冬 飄在風中， 無言花。
13. 红梅（邓百成）
词/曲：涂敏恆
還記得故鄉個老屋後背，花園中識種有一頭紅梅，在冬下時白梅雪白之中，唯獨你紅雲一堆。還記得夾書個底片後背，迷濛中識畫有青山大海，寅時卯時忽然想要翻書，山並海永久還在。我看看看，看幾多花落花開，我經過了千山萬海，我硬硬硬，硬記得若個誓言，我頭望望等寒風吹。我看看看，看幾多花落花開，我經過了千山萬海，我硬硬硬，硬記得若個誓言，我頭望望等寒風吹妳來。啦…….在冬下時白梅雪白之中，唯獨你紅雲一堆。還記得夾書個底片後背，迷濛中識畫有青山大海，寅時卯時忽然想要翻書，山並海永久還在。我看看看，看幾多花落花開，我經過了千山萬海，我硬硬硬，硬記得若個誓言，我頭望望等寒風吹。我看看看，看幾多花落花開，我經過了千山萬海，我硬硬硬，硬記得若個誓言，我頭望望等寒風吹妳來。
14.桐儿花（邱凰玉VS阿淘哥）
词/曲：阿淘哥（陈永淘）
（女：邱凰玉）油桐儿，叭趴跌，寒霜涧了硬过铁。
（男：陈永淘）桐儿树，直树桠，黄叶金风满山林。
（女：邱凰玉）油纸遮，阿哥擎，转屋家牵妹径雪。
（男：陈永淘）桐儿花，三月雪，心红身白泥项歇。
15. 怪歌（颜志文）
词/曲：颜志文
阿宏做兵轉來兩年零，佇屋下沒頭沒路實在有夠奇怪。佢介姆罵佢「這介山狗大正事唔做
每日淨會變古變怪」阿宏講佢唔想像阿爸，一生人做牛做馬，老了正來怨嘆怨怪。時代已經改變，老老實實會分人欺騙，想愛出頭就愛變兜…..古怪。
唔沒講涯淨會搣古搣怪，這個世界已經變到當奇怪，唔沒怪涯淨會變古變怪，有人比涯還卡….古怪。
汝看大都市這兜後生人，想法奇奇怪怪，兩三十歲定定事業做到當大，到底佇介變麻介古怪。Sebiro 著等、Benz開等、細阿妹藤等，皇帝都沒恁大。有一日我嘛愛像恁樣，行路有風，派頭像New York…老大。
唔沒講涯淨會搣古搣怪，這個世界已經變到當奇怪，唔沒怪涯淨會變古變怪，有人比涯還卡….古怪。
汝沒聽人講「夢愛博到盡大成就正會偉大」，涯阿宏雖然書沒讀盡多，手腳發達頭腦沒比人過差，唔愛講我唔聽妳話，每日淨會搣古搣怪、變古變怪。
等涯有一日賺錢發達，定著分汝富貴榮華，帶汝離開莊下這介所在，莊下這介所在。
唔沒講涯淨會搣古搣怪，這個世界已經變到當奇怪。唔沒怪涯淨會變古變怪，有人比涯還卡….古怪。唔沒講涯淨會搣古搣怪，唔沒講涯淨會變古變怪，唔沒講涯淨會猴古猴怪，唔沒講涯淨會嚨古嚨怪。
16.在這恬靜的暗埔头（黃连煜&刘若英）
词/曲：黄连煜（新宝岛康乐队主唱）
（男：黃连煜）哦… 结局唔使问，做么介爱想佢，在这恬静个暗晡头，饭也食唔落，目也睡唔落，想起来实在真冤枉。
（女：刘若英）喂…么介就唔使唱，做么介爱想堐，在这恬静个暗晡头，饭也食唔落 ，目也睡唔落，想起来实在真堪该。
（女：刘若英）作汝去落背做大爷，作汝去落背做乞食，涯正唔会愁 ，涯正唔会愁。
（男：黃连煜）涯也知汝唔会愁，涯也知汝唔会噭，快快开门分涯落，唔好害涯企到天大光，唔好害涯企到天大光 。
17.五月雪（徐筱宁）
词曲：小古 编曲：栾克勇
心中有一幅画，五月雪满树垭，风动树摇花亦谢，白色个油桐花，心中有一句话，感念汝亦牵挂，坎坷路途不如意，心爱放得下，几年过，油桐花开随风飘，飘向人海满山野，恬风息气莫心焦，几年过，五月雪亦满山凋，但愿油桐不同调，随风任飘摇．
18.真爱（东东）
词/曲：东东（汤运焕，第16届金曲奖最佳客语演唱人奖得主）
假使唔曾爱过，难免有兜困惑 。总系分手之后，才会D爱系脉个 。系脉萨犯了错，系脉萨讲要走 ，再多个誓言，总系分争吵淹忒。在目汁中，怪自家有兜话唔该说， 当爱转身就走，汝要怎幺办才好。 真爱系分渠，汝个全部 ，爱用心保护，才会结果 。假使汝用真心，把真爱把握 ，就算系一秒也幸福 ------ 也幸福 。汝习惯一萨人，幸福总系唔为汝停留 ，汝得到了自由，却让真爱溜走。
19.野上野下（陈冠宇）
詞：鍾永豐（第16届金曲奖流行音乐最佳作词人奖得主） 曲：好客樂隊
撖天公借一個臨暗 ，撖祖先借一條大圳 ，撖爺哀借段牛車路 。撖小叔借台威士霸 細妹，細妹 ，蹇妳介腳，坐捱介車 ，捱等來去野上野下。 撖臨暗嘍一陣涼風， 撖大圳旱一息夜色 ，牛車路調台鐵牛聲 ，威士霸掇一兩英雄 。細妹，細妹 ，伸妳介手攬捱介腰 ，來去捱介童年逍遙。 細妹仔吸一口空氣， 鼻一下臨暗介味吸 ，這坵田灑過化學肥 ，適過田豔過除草劑 ，鼻一下臨暗介味吸 ，捱就知田坵介經歷 。打幫天公借介臨暗頭 ，打幫祖先借介大圳水 ，打幫爺哀借介牛車路 ，打幫小叔借介威士霸 。細妹，細妹 ，蹇妳介腳 ，坐捱介車 ，捱等來去野上野下。 涼風中捱鼻到爾體香 ，夜色中捱看著爾目色 。細妹，細妹。細妹，細妹。細妹，細妹。
20.梦土（邱俐绫）
词/曲：邱俐绫
有一條河，捱按佢做思念河。流過山 ，流過田 ，流向捱，土地介記憶， 溶進水中， 濕潤捱介嘴，一沙一石 ，係祖先行過介印記。愛， 愛這土地， 捱夢中介天堂，微風吹， 揚葉仔 ，曳翅膀飛向天。夢土， 捱記得 ，白花仔介味道，月光下， 樹頂上 ，爍夢介光。有一頭大樹 ，生根立地百過年，有汗水 ，有目汁， 有笑容，大風吹 ，大水沖， 佢不動搖緊來緊堅強，一帕一葉， 係大地介安慰。愛 ，愛這土地， 捱夢中介天堂，微風吹， 揚葉仔， 曳翅膀飛向天，夢土， 捱記得， 白花仔介味道，月光下， 樹頂上， 爍夢介光。分不清這係真實也係夢，朦朧看無清，捱驚捱一下無小心，這世界不見去。自然介大地 ，有鬧熱有安靜，每個動靜 總讓捱動心，就算一片落葉風吹落地，無聲無息也像介夢境，夢想像河水不會停息。愛 ，愛這土地， 捱夢中介天堂，微風吹， 揚葉仔 ，曳翅膀飛向天，愛 ，這夢土 ，不要消失，月光下， 捱記得 ，風介聲音。
[ 本帖最后由 huangchunbin 于 2007-12-31 23:40 编辑 ] | 
楼主: huangchunbin
狗仔卡
发表于 2003-7-13 22:32:35
发表于 2003-8-6 10:34:05
发表于 2004-1-3 23:25:26
