張蝦公與許林菜（客语对白）

huangchunbin

張蝦公與許林菜　
旦：麼介哥仔借問一下？頭下你□kit□kit□kok□kok係唸麼介東西？
丑：喔！涯係張蝦公！涯在這鬧棚頭啦。
旦：唉呦！你介名樣恁奇怪呢！
丑：涯嘶邸頂背坑唇該家、張毛蟹佢賴仔咩！大家都喊涯張蝦公！蝦公牯嘶涯本人。
旦：（請問現場最高首長）×××你相信無？奈有恁樣介名呢！
丑：又有麼介好奇怪呢！該你自家了？
旦：喔！涯雙姓許林單名菜，□datˋ儕咩喊涯去淋菜，盡采咩贏過你！
丑：去淋菜！笑死人、會笑死人喔！害涯牙齒都會笑落忒去ㄛ。
旦：涵話莫講恁多了，你知今哺日係麼介日仔無？
丑：你又毋講、涯奈會知！係毋係若爸做大生日呢？
旦：毋係那、你總知好豺！乖乖聽涯講來：聽講阿！新屋蓮園、今哺日盡鬧熱溜！
丑：係呦恁多人˙做麼介會恁鬧熱呢？
旦：你阿實在比涯還較菜！續毋知有蓮花、瓜果等，休閒農業、□lauˋ客家藝文表演活動。
丑：係呦！該恩俚煞煞來去逗鬧熱！
旦：耶、耶！你看哪！恁多鄉親來溜！毋好企在這洩死眾那！
丑：張蝦公、旦：去淋菜。
合講：煞煞下臺一鞠躬。