钱最靓(邱清云)

huangchunbin

钱最靓　

（独白）惹只世界虽然系好园，但系有兜人家偏矛钱，有钱想做脉个晓行先，矛钱你就企吹门口等，小便也爱收转一角钱，瘾钱真系瘾到来出面,今吓样样都系爱讲钱, 惹只世界真系讲实现。

（唱）镭镭镭，钱好用，有镭唔使头那疼，唔使挽日头搭真阴功，爱饮人家冲，爱吃人家送，马场舞厅周时尽威风。

有镭唔使来打工，万事又讲成日中，袋到银子行路满身风，唔使头那疼，唔使来发梦，裤头塞满袋财唔穿窟，

（独白）讲起自家也系穷人，搞到今吓爱做歌星，虽然入息系矛安定那，好过做工来涯灰尘，穷在闹市矛人问，富在深山有人亲，姑亲姨亲三妈都系假，脉个唔当银子亲。

（唱）脉个正讲行衰运，认真做工涯都困，过日涯到手痹脚尊尊，借又矛得借，用又矛得用，亲朋好友看到涯发吊尊，当店当到矛好当，借又借到人晓昂，有钱何必神气真伤盲，看等人家饿，饭都矛得望，有时绑稳裤头坐到天光。

（独白）世界本来都系好公平，为何有兜甘愿做臭人，偷镭勒索白粉来吊瘾，工作唔做脉个事难成，都讲a山中有直树，世上佢矛直人，惹兜赚吃到处爱小心，应该提防a兜大鹤神。

（唱）赚吃爱讲来安份，为事害到自家笨，去抢人家来问奔唔奔，坐监你有份，吃住矛分寸，阿sir拉到乱锤又乱盾，有镭爱晓来包放，好吃好赌钱花乱，有钱应该慈善多相帮，吃爱来悭用，住莫嫌街巷，做行先理赚钱心安康。

转载自『客家人社区』 http://www.HakkaOnline.com
https://www.hakkaonline.com/thread-4894-9-1.html