◇廣播劇：[菸樓]

tpshb168

◇廣播劇：[菸樓]
                     [台灣客家電子報 ↑ 新聞報導2010/4/29]    敬請↑點閱

◇廣播劇：[菸樓]
[看消息報導 學客家語文]  一先客語文(四縣腔)報導 2010/4/29
◇編劇：一先(國立屏東教育大學客研所二)
◇編劇依據：[菸樓](鍾理和先生著作改編)
◇本劇文導言(前文)：
◇ 在台灣北部鄉村有一間小學,老師同學生仔講到有關南部美濃客家庄,在民國4年有一位台灣客家介作家鍾理和先生。學生問老師；
學生：請問老師鍾理和先生係he麼manˋ人？
老師：佢係高雄縣介美濃人,在日本時代讀小學高等科畢業,又再加讀一年半的漢詩。
學生：做麼makˋ介才讀一年半,中學唔就讀無畢業！
老師：由於鍾理和熱愛文學小說,所以中學無考上。
學生：後來呢？
老師：雖然無考上中學,但是,佢giˇ對小說介寫作非常有智慧,無vuˇ師自通。
學生：樣ngiongˋ地ngeˊ無師自通。
老師：開始時,佢用練習的方式,寫一本小說《雨夜花》。
學生：有人好hau 看無moˇ？
老師：受到佢同父異母介兄弟鍾皓hauˊ東介喜歡同鼓勵。
學生：好在佢介兄弟恁anˋ善良！
老師：所以決定寫作展開人生介道路,可惜---。
學生：可惜麼makˋ介呢noˋ？老師：佢在45歲就因病來過身siinˊ了neˇ！
學生：嗄haˊ！(學生含著眼淚)仰ngiongˋ恁冤ianˊ枉vongˋ？
老師：佢所寫的作品有蓋多,值得恩enˊ兜deuˊ來看？
學生：有奈nai 兜作品,請老師介giai 紹好嗎？
老師：佢介作品像；1.游絲。2.夾竹桃。3.新生。4.薄芒。5.夾竹桃。6.生與死。7.逝。8.野茫茫。9.同姓之婚。10.菸樓。11.奔逃。12.蒼蠅。13.做田。14.草坡上。15.挖石頭的老人。16.安灶。17.初戀。18.耳環。19.阿遠。20.小岡。21.貧賤夫妻。22.登大武山記。23.柳陰。24.假黎婆。25.閣樓之冬。26.錢的故事。27.西北雨。28.楊紀寬病友。29.還鄉記。30.復活。31.往事。32.秋。33.雨。34.竹頭庄。35.山火。36.親家與山歌。37.阿煌叔。38.校長。

學生：哇va！有38本呢neˋ？
老師：老師昨coˊ晡buˊ日才nang 去書局買其中一本。
學生：奈nai本？
老師：[菸樓]。[涯ngaiˇ]準備下課才開始看。

◇本劇文：
◇劇中人：主辦人,彭得來,蕭父,蕭姆,蕭連發,連發嫂,蕭有發,霞妹,李阿開,阿容伯,招娣,里幹事,阿姊
◇音樂：
◇旁白：蕭連發用緊張到do些sitˋ把地會惇zunˊ介手,去拈一支起菸樓介鬮kieuˊ仔。在千過儕saˇ申請介肚裡,公賣局這擺淨淨核准分二百五十個人,也就係講；五儕之中必定有四儕抽唔到。著cok鬮kieu仔介可能性係相當少,  蕭連發唔敢希望自家會係其中一個有福氣介人。
            在眾人眼金金之下, 蕭連發打開了拈到的鬮仔,打哇開來一看,鬮仔肚裡寫有兩隻字[73]。該ge 時節 蕭連發歡喜到驫beuˊ起來,歸身仔neˋ介血,就一時湧流到頭那頂高來,眼前身邊雖然有蓋多又拶zat 拶的人群,續sa 一時縮細搭並肅sokˋ恬diamˊ起來。淨淨聽到主辦人員用細聲又蓋正經的口氣來發報；

主辦人：七十三號！蕭連發！
得來：（將作者在背囊nongˇ拍pokˋ一下該大力）
連發：得來哥！你同[涯]拍恁大力,唔驚[涯][漏胎]嗄ha！  
得來：你又唔係me 婦人家,也maˊ愛有身孕iun介,唔才會[漏胎]。
連發：[涯]又無耳聾,喊到do恁大聲做麼介？
得來：你係he唔係me行了ngeˇ狗屎運,分你抽到噢voˋ！連發！  
連發：嗄haˊ！（這個時節[涯]正zang對迷迷糊糊之中,清醒過來）汝也ngaˊ有抽到係he 嗎？得來哥！
得來：抽到了veˊ！  
連發：（歡喜過了ieˇ一趟仔ngeˇ,接等[涯]等倆儕saˇ開始就才該ge愁,搭憂慮了ieˇ,!）得來哥！雖然兩三年以來,[涯]心肚裡一直目望望到doˋ希望有一棟菸樓。
得來：一棟菸樓,奈nai 有恁容易？
連發：[涯]知無恁簡單,起菸樓除了veˇ愛有土地,人工,技術等等還唔罅la 。開始的時節,還愛有一筆萬過銀介資金。
得來：起hiˋ菸樓無恁簡單(恁該goiˊ),有事se好做,比去同人做工較go贏哪！
連發：[涯]又係me想,淨ciang 淨係he用在起菸樓本身,假使愛將下舍saˋ,倉庫也搭dapˋ並共下起,該ge就更至愛較go多錢噢no！  
得來：聽講今年每一分地淨有六佰銀介耕gienˊ作貸toi 款,並無菸樓介建築貸款。
連發：新菸農介耕作面積係六分地,淨做得貸借到三千六佰銀,這個金額ngiakˋ同實際需要的金額來比,實在係相差到do蓋多。樣葛煞satˋ哪naˊ！六分地,淨做得貸借到三千六佰銀,這個金額ngiakˋ同實際需要的金額來比,實在係相差到do蓋多。樣ngiong葛煞satˋ哪naˊ！
得來：愛對奈裡去借你知無moˇ？
連發：講到借錢介事,這下是siiˇ猴了veˇ,得來哥你熟suk 無moˇ！
得來：喊[涯]掌牛[涯]熟,講到借錢[涯]就行無路！

◇音樂：
◇旁白：
   當連發在該ge 煩惱籌cuˇ備錢愛來起hiˋ菸樓介事時,共莊頭介幾下儕人,頭沈ciim 沈到doˋ又搭蓋失意樣,對連發這片行過來,其中有一儕人名仔ngeˋ安做李阿開,行到連發面前就用手[梆bangˊ] 連發介手上相siongˋ,帶佢去到一個較go 無人介地方,佢giˇ就同連發講；
阿開：連發！[涯]分汝伍佰銀食茶,汝將權利讓ngiong 分涯！
連發：伍佰銀！權利讓分汝？[涯]就唔係戇ngong 仔ngeˋ哩！伍佰銀愛[涯]介權利喲？
阿開：(手比細聲一些sitˋ)莫恁大聲哪naˇ！無就tu 加五百,變壹仟銀好嗎？
連發：壹仟銀！
阿開：汝恁軟撿giamˋ！一下地veˊ就得到壹仟銀,又唔使操心,汝看！這現賺壹仟銀！愛奈nai尋,有一好地veˊ哪naˊ！
連發：(緊搖頭)做唔得！[涯]自家愛做！

◇音樂：
◇旁白：對屏東歸屋家介路上, 連發緊騎等腳踏車,心中緊愐menˋ緊算,[到]底做得籌備得ieˋ到一多錢。家肚裡有三隻大豬,可能賣得ieˋ到三千銀, 還有細隻介豬豚仔,雞仔,全部都可以賣來加添,為了起菸樓,奈有麼介做唔得detˋ來賣介呢no？無vuˇ論如何,一定愛將菸樓起[坑hong]起來。像過去每擺baiˋ遇到困難的時節一樣,都會愐menˋ到,想到佢介阿爸……。
      該ge時節, 連發]還蓋細se,有一年仔neˋ,風雨失調唔順,田坵耕種的收成唔好,割起來介穀仔geˋ,全部繳分頭家都唔罅la 所約定的頭家穀。雖然當時的頭家同情佢兜等,唔使佢等再來補足頭家穀介斤兩。但係穀全都繳分頭家,一粒都無剩。當時佢介阿姆看到這種介情形,[匝biang]到屋背流了veˇ幾下點鐘介目汁ziipˋ, 連發介阿爸譴kienˋ到氣杳meuˋ杳到doˋ,一句話都講唔出來,閼otˋ在心肝肚裡,一氣擺[暷bak]了geˇ幾下十煙筒介菸。這一年連發屋家實在蓋悽ciˊ慘camˋ。有一日聽到阿姆在該ge喊；

蕭姆：連發！…扶[涯]起。
連發：阿姆！你身上有病起來,愛去奈啊iaˇ！
蕭姆：(精神很差)[涯]愛來去做事se！
連發：做唔得！您一身就無力,愛樣ngiongˋ地ngeˊ做事se呢noˇ？   
蕭父：(蕭父從外no 背拿一條索sokˋ仔入來房間)來！連發[捲ten}手,將這條索仔[緆takˋ]若naˊ姆介腰仔上hong。
連發：(莫名minˇ其妙)阿姆介腰仔,做麼makˋ介愛[緆takˋ]索仔！
蕭父：若naˊ姆發botˋ病毋會行,用索仔拉laiˊ來去營林局(山林課)做工賺食。
連發：阿爸！阿姆有病又無食藥仔,還愛喊佢做事se 喲ioˋ！
蕭父：無moˇ做事se ,奈有飯食啊laˇ！

◇音樂：
◇旁白：連發見了neˇ這樣的情景,當時覺gokˋ到doˋ阿爸嶄zamˋ滿無人性,但係也知得阿爸介做法,也係出自一種無vuˇ奈之下所做介。連發看到阿姆meˊ才coiˇ過介樣式,心肚裡暗中流了veˇ唔知一多介目汁,又唔敢噭gieu 出來,真係想向阿爸來講麼makˋ介呢？但係實在無moˇ勇氣,唔mˇ敢講,萬萬都想唔到,阿姆meˊ係樣ngiongˋ地ngeˊ來做工哪？伊連行路都係he有問題啊iaˇ！
         後來,[等耕作了geˇ論十年介田坵kiuˊ,續sa 分頭家收倒do 轉去！從頭到尾有一年介時間肚裡, 連發時常看到阿爸,伊利用朝zeuˊ晨打早,無就臨limˇ暗無人看到介時節,渠自家孤孤單單地neˊ一個人,偷偷地veˊ趖soˇ到等，識耕種過介田坵肚裡,行來又行去,用伊介手緊摸禾voˇ仔,用腳緊踹demˋ田[埢siinˇ]。渠就係樣ngiongˋ地ngeˊ捨saˋ唔得渠giˇ識耕過介田。阿爸渠介一生人,無日無夜都係在該ge 想田,為了愛有一細角仔geˋ介田,那怕渠做死,渠也係he甘願。阿爸辛苦做了一生senˊ人,可以講得比牛仔還愛過勞碌lukˋ。但係雖然伊日思夜想田,同時也耕了neˇ一生人介田,到了veˇ渠過身介時節,還係照樣一分田都係無。幾年後,連發已經承領到有一甲零介放租田,同佢介[晡buˊ]娘講 ；

連發：霞haˇ妹！再過幾年繳清田賦fu 地價以後,恩就有一甲零介田了neˇ啦laˋ！
霞妹：[涯]等介生活,應該就會安定下來了ieˇ。
連發：至少唔會像頭擺baiˋ樣地介窮苦,也唔會再來愁seuˇ到doˋ,收割介穀仔會分頭家包走,這就係阿爸還生sangˊ時節,連暗晡buˊ頭睡目,發botˋ夢都係he 想唔到介事sii。
霞妹：事se 頭還係愛做介！
連發：耕種人就係一樣,禾仔割起來介時節,犁田,車caˊ肥,種菸仔,接啊ba 下去愛印土磚,車caˊ砂石,紅毛呢,木材,樹料等等來起hiˋ菸樓。
霞妹：起hiˋ菸樓實在無簡單(恁該}介喲ioˊ！  
連發：都係連峨ngoˇ接棟,一個接一個來,真像開了ieˇ弓介箭仔neˋ一樣,一些sitˋ都放biong 鬆唔得。

◇音樂：
◇旁白：在田莊肚裡,一奈nai 都係蓋多人,隨時都做得聽到犁田介,[亥kaiˊ]菸秧介,施肥介,駛車仔介等等聲音。在該ge 裡男人強壯,女人活潑patˋ,連老人家,細人仔也係相當無閒,每一個人都係做每一個人介事se 頭,男女老幼都係盡了neˇ每一個人介一份力量,充份運用到田坵kiuˇ肚裡去。
    有兜介人家,蓋早就將菸秧iongˊ下ha 下haˊ去,也有兜deuˊ介正經才nang 割起禾仔來,還唔mˇ前開犁,像這種介人家,該實在就無閒了neˇ哪naˊ！大家都係[攫giukˋ]上攫下,相似在該ge走相[攫giukˋ]仔比賽一樣。兩兄弟同有發兩兄弟一樣,在該煞猛mangˊ做事se,兩兄弟一面做事講；
連發：[涯]等denˊ大家共下做事se ,田事該遽giakˋ就做忒hetˋ！
有發：阿哥！又係me 好得後生sangˊ仔,朝zeuˊ晨暗晡buˊ肯歸來[捧ten]手。
連發：好在你平常做事本底daiˋ就係蓋煞猛,這擺baiˋ拈鬮kieuˊ仔,才有恁好介福氣有菸樓好起hiˋ。
有發：阿哥！看你恁歡喜,[涯]又係me蓋暢tiong。
連發：你giˇ同招娣taiˊ兩人,對下ha 菸秧,點diam 菸仔neˋ,割禾仔,一直到種菸仔,伊等都係相當煞satˋ猛。
有發：阿哥！你同阿嫂大家又係me共樣,當煞satˋ猛！  
連發：汝同招娣taiˊ係一對有情有愛介後生sangˊ人,對朝zeuˊ晨到暗晡,可以講得係形hinˇ影不離,十分地恩愛有情,但係並唔會恁anˋ地就來妨害誤ngu 到事se 頭。相反介,汝等兩儕saˇ介做事se ,真像拼bia 貌mau 事se 樣,實在煞satˋ猛nangˊ。     
有發：阿哥！[涯]等做這個田事,係he天一光做到斷烏,才轉歸屋,連續趕了neˇ五日了leˇ呢？
連發：[涯]知！忍耐兜deuˊ地veˊ！菸仔肯種,肯煞猛,自然就種得ngeˋ忒hetˋ！
有發：斷烏！看毋到來種了ngeˇ,天光日才種哪！
連發：做毋得！今暗晡加班,[涯]燈盞zanˋ火有準備好了veˇ,今暗晡種一定愛種忒,才好歸。
有發：(看到附近的菸田)唉eˊ！阿哥你看該ge 片(那邊)恁多火焰蟲樣火緊囁ngiaˋ。
連發：毋係火焰蟲！該ge兜人同[涯]等共樣趕事se,點燈盞火做夜事se。
有發：原來該ge兜人共樣恁煞猛。

◇音樂：
◇旁白：當連發一家人將事頭做好愛歸的時節,有一個朦mungˇ朦介人影,恬diamˊ恬地meˊ行過來。得來哥：
連發！還唔mˇ曾cienˇ做好嗄haˋ？
連發：得來哥！暗暗你阿ngaˊ無出聲,[涯]無知係he你,[涯]介事se 還有一些sitˋ了leˊ！
得來哥：（坐啊va在田[埢siinˇ]）聊liau 一下地veˊ。
連發：(衫袋拿出香菸)來！食枝菸。
得來哥：唉aiˋ！真係冤ianˊ業ngiap(菸葉iap)！
連發：講起來也有影,日夜趕事se頭,[涯]論隻月以來, [尸旨]sii朏futˋ都唔識粘過凳仔,[瘃kioi]到腰鉗背吊！
得來哥：[涯]等都係真像死老公介婦人家介賴lai仔一樣(自家好hau介)！
(附近做事的一群人也行兼來,打嘴古,有講有笑)
連發：難得大家在這liaˋ打嘴古,(同阿容伯打招呼)阿容伯！你也[亡口]mangˇ轉夜係meˇ。阿容伯：大家一樣趕種菸仔事se。
得來哥：阿容伯,每年到了veˇ種菸仔介時節,總係會發誓搭dapˋ大聲開調diauˋ。
阿容伯：[涯]講的nge係麼介？
得來哥：你講下二ngi年仔neˋ,拿等刀仔愛來喚[涯]種菸仔,[涯]甘願畀biˋ鍬ciamˇ死,[涯]都唔敢再來種菸仔了neˇ啦！[涯]愛好好地保留[涯]介老命來食[涯]介粥zukˋ過定著cok！
阿容伯：無毋著！[涯]承認[涯]有講過這兜話。
得來哥：但係,到了veˇ過忒hetˋ年,你都比任im 何一個人,種啊nga較go多又搭dapˋ較go搶早。
阿容伯：你愛知呢neˊ！[涯]還蓋多心舅愛唔曾cienˇ討啊vaˇ！
連發：著cok！兩年討兩個。
得來哥：第三年又撘dapˋ起了ieˇ一個伙房,愛奈去尋cimˇ有恁好的光景哪naˊ！
阿容伯：雖然種菸仔辛苦,為著cok生活姑goˊ不而將介啊iaˇ！
得來哥：(得來哥又換另外一個話題)連發！汝介木材樹料有問好勢se了ieˇ無？若naˊ係唔曾cienˇ問好勢se，唔mˇ使去製材caiˇ所同人買,買人家自家種介較go俗siok,[涯]已經代你問好勢se了ieˇ。
連發：係he 唔係me人家自家種介樹仔veˋ？
得來哥：係he啦！[涯]等自家買來搭並自家[島doˋ](講忒時企kiˊ起來)。
阿容伯：得來哥！坐哪！企起來做麼介。
得來哥：大家還在該ge 拼bia 夜事se 呢ne！天光日天還唔曾cienˇ光,(同有發五講)有發！[涯]等利用天頂高星仔neˋ介光線,倆儕saˇ各趜giukˋ一隻牛仔去躝lien 泥土磚。
有發：好啊vaˇ！[涯]驚睡到do毋知好醒siangˋ。
連發：[涯]才喊你醒！

◇音樂：
◇旁白：第二日得來哥同有發,利用天頂星光牽等denˋ牛仔,去躝lien 泥土磚,唔過該ge泥深到膝頭,肚裡搭摻camˊ有牛屎同切到蓋綿menˇ蓋幼iu 介稈gonˋ截仔leˋ。這兜事se 頭實在蓋搣mietˋ[瘃]kioi搣痶tiamˋ人,倆儕saˇ都係掙zang力在該踹demˋ,拿牛縋cuiˇ仔[麥]mak牛仔,在該[雀]ziok泥。食了le朝,就開始出磚,有發同招娣講；

有發：杯butˋ泥[涯]來做,你 [亥kaiˊ]泥。
招娣：好！
有發：[涯]使磚斗印土磚。
招娣：你看！[涯]等恁地neˊ緊做無聊liau,到暗做ve得做一多到？
有發：頭一日,印伍佰塊土磚,應該無問題。
招娣：嘎ga,就加油喔voˊ！

◇音樂：
◇旁白：有影！頭一日有發同招娣認真之下,印了leˇ伍佰零塊介土磚。在該暗晡,有發愛上眠床睡目介時節,續sa 感覺到兩隻手介上相siongˋ實在係軟痛,腰骨也係軟到伸腰唔直。到了veˇ第二日,天還唔曾cienˇ光,連發看有發[亡口)mangˇ[亢]hong 床；

連發：有發啊laˇ！[亢]hong 床啊ngaˇ！起來做事se了ie喲io！
有發：喔喔！
連發：食飽朝[涯]兩儕趜giukˋ牛仔共下去踹demˋ泥躝lien 泥來作土磚。
有發：阿哥,[涯]同招娣三個人連續siuk 做了veˇ今日算第七日了leˇ呢！還愛印加一多土磚才nang罅la？。
連發：[涯]按on 算愛用三仟塊土磚。
有發：唔mˇ過,暗晡頭土磚無辦法印,暗暗看毋到。
連發：所以正zang 會利用暗晡頭駛牛車去河壩肚裡車caˊ砂石,砂仔geˋ哩。
有發：砂仔愛用[粗幼]兩種,石頭也有大粒石,細粒石。
連發：每一樣都愛,車五車介用量,大約就罅la。

◇音樂：
◇旁白：有發同連發去到四公里遠介河壩,將石頭同粗砂仔, 車caˊ來歸到屋vukˋ家介時節,時常都係半夜,上了ngeˇ眠床合了beˇ一下地veˊ眼珠,又係雞啼taiˇ了ieˇ！姑goˊ不而將,目珠擂擂luiˇ啊ia 咧leˊ,又爬bakˋ[坑]hong 床。連發尋出時間去請教人家,以及調查愛起hiˋ一棟菸樓,愛用的各種材料東西同價數sii,還有泥水師傅的工錢等,有發問連發；
有發：阿哥！[涯]等貸款三仟六佰銀,還過賣了ieˇ三隻大豬,總共加啊va 起來,已經七仟零銀了neˇ。

連發：[涯]知！但係每一種材料介錢,都係超過[涯]介按on 算。 [涯]淨ciang 淨買樹桁hongˇ仔,枋biongˊ仔,紅毛泥,亞鉛ianˇ餅biangˋ等三項,就差唔多將[涯]所有介錢,用到do 差唔多會無了veˇ！
有發：桁仔,樹料,同彭得來共下同人家買樹仔[島]doˋ下來了ieˇ。
連發：毋係你講起,[涯]無moˇ想到還有這條錢愛算分人。
有發：急又係me 無用。
連發：這下食飽夜了veˇ,[涯]等來去車大石頭。
有發：好！(看天頂dangˋ)天頂高無半粒星仔。
連發：燈盞火帶來去。  

◇音樂：
◇旁白：兄弟倆人共下用一盞燈盞火,蓋毋好做事se,倆人都係在烏暗之中,摸moˊ來摸去介方式做事se,耗hoˊ費了ieˇ相當時多的時間,正湊deu 齊了ieˇ一車caˊ介石頭。連發同有發坐下來聊liau 一下地veˊ,搭並食一支煙。在恁偏僻pitˋ又恁闊fatˋ介大河壩肚裡,一片寂siukˋ靜,連這隻牛仔透teuˋ氣介聲,都係聽啊nga清清楚楚。忽futˋ然間,連發想到同有發講；
連發：有發！[涯]想到了veˇ。
有發：阿哥！你想到麼makˋ介？
連發：[涯]等將起菸樓愛用介各種材料,車好勢se以後時,將就來賣忒hetˋ一隻牛仔。
有發：賣牛仔？
連發：[涯]知！這兩隻牛仔平常係你掌,惜siakˋ牛仔介精神,就親像照顧自家介細人仔一樣,愛賣忒一隻你會捨毋得。
有發：除了veˇ賣牛之外,敢無其他辦法嗄haˋ？
連發：實際上,剩cunˊ一隻牛仔來做菸田肚裡介事se 頭,該就罅la擺用了ngeˇ。
有發：一隻牛仔做得賣一多錢？
連發：大約有兩仟介銀。(將石頭搬上車頂後,兩人坐聊食了leˇ一支菸,企[坑]hong起來準備歸屋家,將牛索一[邦]bangˊ,起事駛牛車,呦auˋ一聲！該ge 時節無意中,車頂高續sa 輾zan 下兩粒石頭,有一粒恁中zung ,就[得]dep到連發介腳盤）唉喲噢oˊ。
有發：(看到阿哥分石頭[得]dep到,心中亂緊緊到)阿哥有樣ngiongˋ地ngeˊ無moˇ？
連發：(忍唔住het 大聲喊到do)哀哀oiˊ！哉哉zoiˇ！
有發：(拿燈仔來一照一看),淨淨腳盤皮有些sitˋ把地鑪lu 溜liu皮。
連發：不但蓋痛,又一陣一陣介緊抽痛,無辦法企。
有發：[涯]扶汝上去牛車頂高坐,換[涯]來駛！
連發：好！牛索sokˋ分你。

◇音樂：
◇旁白：連發跋bakˋ上牛車。在一路上介傷痛,腳不時都在該抽痛,搭並痛到緊來緊食力。歸到屋家一看,一大塊烏青瘀guˋ血,腫到歸腳盤,連發嫂遽遽煨voiˊ到do 燒燒介老薑麻,蘸ziamˋ酒,同連發擂luiˇ了一下地veˊ,才敥iam藥粉仔布仔包好勢se。
           歸暗晡仔veˋ,腳盤痛到在眠床上,輾zan 來輾去,兩眼無辦法合揫ciuˊ來睡目,到溜尾睡到目陰目陽介時節,續sa 聽到屋頂高有[嗶bit 嗶爆bok 爆]介落雨聲。連發隨時掀ianˊ開被piˊ骨,轉身就下眠床,腳一落地,著cok傷該ge隻腳盤就像有刀仔在該ge割一樣,只好喊姐ziaˋ仔起來；
連發嫂：你[坑hong]恁遽愛做麼介？
連發：[涯]聽到外背有落大雨了。
連發嫂：你毋係me腳痛嗄haˋ？
連發：[涯]驚土磚涿dukˋ到雨。
連發嫂：(將門打開有發已經在該著zokˋ簑soˊ衣)天色蓋暗,雨毛仔落無停。
有發：阿哥！汝 ?(眼金金看連發介腳盤,發botˋ愕ngokˋ樣iong 地ngeˊ唔知愛講麼介話)。
連發嫂：(也著zokˋ好蓑衣,戴好笠lipˋ麻出來)汝在屋家聊liau 一下地veˊ,[涯]同有發叔共下來去疊tiap土磚。
連發：無麼makˋ介關係！[涯]會慢慢地neˊ行,汝等共快先行去,會落大雨了ieˇ呢ne！

◇音樂：
◇旁白：連發嫂同有發行蓋遽去磚坪,連發還係毋放心,探damˊ等一隻跛baiˊ跛介腳,在佢等介後背一步探damˊ一步,向磚坪下行過去,連發行到磚坪介時節,伊等兩個人已經疊好了veˇ一大堆doiˊ了ieˇ。連發將身上介簑衣脫下來,放在磚坪介唇siinˇ邊,就跈tenˇ伊等去勒let土磚。初下勒土磚介時節,腳還會一陣又一陣介痛,齧ngat牙擤sen齒忍等,經過了一趟tong地ngeˊ,腳盤介痛就無感覺了geˇ,這也有可能係痛到麻痺忒hetˋ了leˇ連發嫂同有發,不時翻fanˊ頭,探damˊ頭來看連發；
有發：阿哥！汝唔好勒let土磚,坐下來聊liau。
連發：你等大家共快疊tiap 啊baˇ！唔使管[涯]啊 iaˇ！
連發嫂：你是siiˇ腳痛呢？連發：這下無恁痛了ngeˇ啦！

◇音樂：
◇旁白：大家搶緊將較go硬程cangˇ介土磚一塊又一塊介勒let 來疊,雨續sa緊落緊粗。疊好了兩大堆doiˊ介土磚以後,共快拿稈gonˋ來揜giemˇ好,大約數sii剩cunˊ下有一半介土磚,已經係he夭ieuˊ夭勒let 唔起來了ieˇ！連發看到這兜deuˊ恁多夭夭ieuˊ介土磚,心肚裡唔知愛樣ngiongˋ地ngeˊ才好。 過了veˇ兩日,雨也停了neˇ,該ge兜唔前勒到介土磚,全部都係變成一硈kit 一硈介大泥餅biangˋ,這下又愛重新來做一遍了neˇ！菸樓就在眼前著cok急愛來起工做了veˇ,這下土磚又少恁多,樣葛gatˋ煞satˋ哪naˊ！這日仔leˋ,都好在該上songˋ菸土,本里介里幹事親身送來一張通知單。

里幹事：連發！這張[紅單仔]係你老弟taiˊ介。
連發：麼介紅單仔？
里幹事：鎮公所兵役課送來調兵介單仔。
連發：(接來看)係有發的名仔,有發愛當兵了neˇ。
有發：[涯]介喲！(接過手)[涯]看！單仔肚裡寫明規定：某月某日下晝zu兩點去美濃鎮公所去報到。
連發：(拗auˋ手指一算)報到介日期剩到doˋ四日地leˊ！
有發：剩四日了leˊ呢neˊ？
連發：緊唔來！慢唔來！偏偏係來到doˋ唔堵duˋ好,的dak對又係he菸樓愛起工,百般事se頭都係蓋無閒。
連發嫂：有發叔你去當兵,一走家肚裡就像斷了neˇ一隻手一隻腳一樣,比起資金銀錢介不足,還愛較go食力。
連發：但係he [涯]等也無法度將佢giˇ留下來。
連發嫂：唔分佢去當兵係做唔得介！
連發：(昂ngo 起頭來一看,田段ton該ge片)你等看！招娣taiˊ一個人在該ge裡頭磬cinˋ磬,緊捽cut 目汁。
連發嫂：[涯]過來去安慰招娣taiˊ。

◇音樂：
◇旁白：第二日,嫁出去介阿姊ze同兩個老妹,聽到有發愛去當兵介事,共快歸來,阿姊一歸到屋家,就將連發[梆]bangˊ]入屋肚裡去。

阿姊：連發！有發愛去當兵了neˇ！佢同招娣介事情,汝打算愛樣ngiongˋ地ngeˊ啊iaˇ?
連發：你係講伊等介婚事sii 係he嗎？
阿姊：[涯]看！汝完全都唔管老弟介事哩！(非常的唔高興)無成sangˇ汝愛喚vanˋ有發做一生senˊ人介單身哥仔係he 係meˇ？
連發：唔mˇ過！有發愛去當兵了neˇ,愛同伊討姐ziaˋ仔veˋ,也愛等伊兩年當兵退伍歸來以後再講啊ngaˇ！
阿姊：汝講到是siiˇ蓋簡單,有發兩年是sii 等得,無問題,你敢無想過,佢介爺[女哀]oiˊ會仰ngiongˋ地ngeˊ想,再過來講,佢敢有可能會戇ngong戇地ngeˊ在該ge 等哪naˊ！
連發：[涯]奈na有想過這兜呢？
阿姊：講到有發,[涯]相信佢giˇ也係放biong心唔落！
連發：阿姊！嘎ga！愛樣ngiongˋ地ngeˊ來做較go好呢？
阿姊：[涯]想,最好馬上來過定！  
連發：馬上過定？恁anˋ急,仰會來得ieˋ掣catˋ呢？
阿姊：來唔掣catˋ,又係me 愛辦！(有命令口氣) 。
連發：若係有發這下過定,愛一筆錢,還有四面八方大小事情逼betˋ等nenˋ[涯]來。 [涯]一時之間,又係me唔知愛仰地neˊ辦！  
阿姊：無成sangˇ愛喊有發莫走當兵係meˇ？
連發：著cok！以前阿爸拿了veˇ索仔[塌]在阿姆介腰仔上[邦bangˊ]出去做工,這下就分bunˊ[涯][塌tokˋ][涯]自家介腰來拖,阿爸恁堅強,[涯]也做唔得低下頭來。
阿姊：(比手指公)唔ngˋ！有骨氣！
連發：阿姊ze！加兩日添,麻煩妳到女家去講親,以後再麻煩她去街仔ieˋ上買過定介用品。
◇音樂：
◇旁白：第二日暗補連發自家企在禾埕上點支菸,有發行過來講；
有發：阿哥！[涯]看！等[涯]退伍歸來以後,才來過定。
連發：等你退伍！阿姊講介著cok！招娣做得等denˋ,但係佢介爺[女哀]oiˊ肯henˋ嗄haˋ？
有發：這個[涯]就唔知！
連發：先過定！省sangˋ使siiˋ兩人放心唔下！
有發：唔mˇ過！菸樓介錢還唔罅la！
連發：做你放心！菸樓總有辦法做起來介,[涯]自有打算。  
有發：仰地ngeˊ打算！
連發：桁hangˇ仔將就用竹頭,檳榔樹也做得,屋頂無亞鉛餅biangˋ就揜giemˇ茅仔,一樣做得來薰菸仔！恁地neˊ,就做得省二千零銀,將省起來介錢來過定用。
有發：阿哥為到[涯]介事情,分你恁操煩,實在過意唔去！
連發：爺[女哀]oiˊ無在coiㄜ了,這係做阿哥介應該愛做介義務！

◇音樂：
◇旁白：第二日連發扛(木盛)cang,肚裡辦了一百二十塊喜餅,三樣金器(戒指,釦子,耳環)。另外九百九十元的現金,由阿姊隨身帶等,送到女家頭去過定。有發愛當兵出發介前一日,連發介姐ziaˋ仔準備辦了三牲senˊ祭告祖靈,就像過年過節一樣合家拈香禮拜,祈求保佑有發軍中平安。暗晡頭煮了兩三桌簡單的酒席,請鄰舍親戚朋友到屋家食夜,搭dapˋ同有發做當兵介宴會。阿姊(口林)limˊ了酒講 ；   

阿姊：以前爹(女哀)畜hiukˋ[涯]等雖然係窮苦,也有同連發討了veˇ姐ziaˋ仔,現在你介日仔又唔係等壞過,有發二十零歲了ieˇ,再唔同有發討,你這做阿哥介面子看愛囥kong對奈nai 去。
彭得來：實際上[涯]以前二十七歲才…。(這個時節,連發介姐仔向有發緊比手,喊佢過去
連發：(細細聲仔問其iaˊ婦人家)麼介事？
連發嫂：(細聲回答)招娣愛見有發叔啊gaˋ！蓋像愛送佢麼介東西。  
阿姊：講[涯]等日夜無閑,還唔係期望下一代介人,愛有好日仔過？」

◇音樂：
◇旁白：宴ian會fi 到蓋夜才散席sit。連發因為(口林)limˇ了meˇ一些sitˋ酒,金身蓋癢,貶bianˋ來貶去睡唔落覺gau,無一久就聽到雞啼,開門出來。天唔曾cienˇ光行到禾埕tangˇ,看到有一個人影走入牛欄肚裡去。詳細一看,原來係有發拿稈gonˋ分牛仔食,這時堵duˋ好有發行出來。

連發：有發！你仰恁早[坑]hong。
有發：[涯]睡毋落覺gau！連發：做麼介睡毋落覺？
有發：昨暗晡[涯]記毋得放biong夜草分牛仔食。

◇音樂：
◇旁白：有發介話一講,使連發重新想起,有發同牛仔介感情關係,更至由這裡聯想到有發同家介重要性。這兜事情忽然之間,使連發瞭解了ieˇ從來都係自家所忽略的一個事實,在這個有形無形之中,有發分攤不少繁忙與勞碌lukˋ。現下,這兜都係為了有發的離家當兵,菸樓介事又愛加重放在連發身上了。忽然感到孤單,跌落了geˇ無奈何的境界。連發從來唔識像這下樣的感到手足之情介愛。該ge時,當想將有發用雙手擁抱入胸前。有發以溫純真心的眼光看等nenˋ連發講；

有發：阿哥！[涯]等這下還有有兩隻牛仔,仰毋賣忒hetˋ一隻來呢？現下東西也運齊了ieˇ,留一隻來犁田就罅la了veˇ。
連發：(顛dienˊ倒do固執堅強起來)[涯]才考慮,無一定[涯]會想其他辦法。
有發：[涯]愁若係無將牛仔賣忒一隻,你會有盡多介困難。
連發：[涯]會牙根齧ngat等nenˋ,堅持下去介！
連發嫂：(煮好朝zeuˊ了veˇ) 好hoˋ食飯朝zeuˊ了。

◇音樂：
◇旁白：食朝過後,大家共下行hangˇ出大門口,行到分岔caˊ 介路口時,阿姊老妹同[涯]介婦人家.細人仔等等大家,送有發去車站坐巴士,[涯]拿等斧buˋ頭,鐮liamˇ仔meˋ,跛等一隻腳,一跛一跛介往山上行去了。
        ==================== [菸樓]篇完 =================  　      
◇◇本文客語文(四縣)注解：
1.些sitˋ把baˋ地veˊ：一點點。[涯ngaiˇ]：我,[涯ngaiˇ]改人部首。
2,拈ngiamˊ：用姆指與食指取物。撮zapˋ：用[姆,食,中]三指取物。
3.千過儕saˇ：一千多人。論千儕saˇ：將近一仟人。
4.著cok鬮kieuˊ仔：著cok 到doˋ有機會的籤。[鬮kieuˊ]→(鬥龜)合字。
5.眼ngianˋ金金：眼睛雪亮。眼ngienˋ(北部音)。金那na那。
6.該ge 時節：那個時候。[驫beuˊ,跳tiauˇ,躍ciokˋ,飆beuˊ]。
7.歸身仔neˋ：全身。拶zat 拶：擁擠。
8.續sa ：反而。肅sokˋ恬diamˊ：寂靜。
9.後heu 背：背後。共方鉈touˇ：相同的地方。
10.謔nakˋ：大聲笑。噭gieu：哭。叫gieu：動物發出聲音。
11.抽到了veˇ係meˇ？：抽到了嗎？。係meˇ(否定,疑問,轉折)句用,其他[he]音。
12.一趟tong 地ngeˊ：指時間的一小段。一段地neˊ：指距離的小段。
13.目望望到doˋ：眼睛癡癡地看著。猴了veˇ：糟了。
14.樣ngiong 葛煞satˋ：用那樣的辦法。
15.共莊頭：用一個村莊。頭沈ciim 沈：頭低低。沈(ciim,siimˋ,ciimˇ)三音。
16.用手[梆bangˊ]：用手拉,[梆bangˊ]→改提手部。
17.讓ngiong 分[涯ngaiˇ]：轉讓給我 。
18.發botˋ愕ngokˋ：相當[發呆]。[戇ngong,呆ngoiˇ,憨hamˊ]三字義不同。
19.軟ngionˊ撿giamˋ：輕而易舉地得到。奈nai尋；那裡尋找。
20.一好地veˊ：多好啊。唔使：不用。
21.緊愐menˋ緊算：心中想了又算。
22.豬胚poiˊ仔ieˋ：半大不小的小公豬。
23.[坑hong]起來：站起來.[坑hong]→改足部首。唔罅la ：不夠。
24.氣杳meuˋ杳到doˋ：有氣無力。閼atˋ：鬱。
25.[口專]bak 煙：抽煙,食菸。打擺仔ieˋ：瘧疾病。唔單只：不僅。
26.[綮gamˊ]：強迫指使服從。[咸欠糸]合字→[咸欠]字下[糸]。
27.[塌takˋ]：束縛,[塌takˋ]改[糸]部首。
28.闌nangˇ腰仔：腰圍部。闌nangˇ→葫蘆有兩個闌。
29.硬ngiang硬：行為堅持執意。硬ngoang硬→物體堅硬。
30.嶄zamˋ滿：非常。(美濃地方語)。樣ngiongˋ地ngeˊ：怎樣地。
31.收倒do 轉去：收回去。續sa ：卻。趖soˇ：慢慢地走。
32.田[埢siinˇ]：田埂。[埢siinˇ]→[卷]中[己]改[土]。渠giˇ：他。
33.一細角仔geˋ：一小塊。一生senˊ人：一輩子。
34.一甲零：一甲多。發botˋ夢：作夢。
35.跈tenˇ等：跟隨著。車caˊ肥：載肥料之類。
36.連峨ngoˇ接棟：一個接一個。一奈nai ：到處→滿奈nai(東勢腔)。
37.做事se：工作(勞力)。 做事sii：工作(勞心)。
38.[亥kaiˊ]菸秧 ：挑菸苗,[亥kaiˊ]加提手部。
39.下ha 下haˊ去：播下去。上songˋ上songˊ去：推拿上去。
40.[攫giukˋ]上攫下：追逐不停。[攫giukˋ]→改[走]部首,走相[攫giukˋ]：賽跑。
41.點diam 菸仔neˋ：選取菸苗再移植苗埔。[坑hong]：站,[坑hong]改足部首。
42.拼bia 貌mau 事se ：工作列為自己承包而努力。[貌mau 事se ]概括總包。
43.透teu暗晡：整個晚上。透夜→透[暗晡]還要晚。
44.恬diamˊ恬地meˊ：靜靜地。[恬diamˊ]同[惦]。
45.[尸旨]sii 朏futˋ：屁股。[尸旨]sii →合字。
46.,[瘃kioi]到腰鉗背吊：累到彎腰鴕背,[瘃kioi]→病部首下加[彖]字。
47.合唔揫ciuˊ：合不攏。畀biˋ：給他。分bunˋ：給你。
48.較go定著cok：比較確實。較定班：比較平順。
49.起hiˋ了ieˇ：建造了。起hiˋ(屋,事),造(橋)。
50.[叮]dinˊ當圓：四周圍。[叮]dinˊ→[近]字之[斤]改[丁]。
51.躝lien ：快走的踏壓。踹demˋ：上下踏壓。踏tap：腳不離物。
52.蓋綿menˇ蓋幼iu ：細小靡爛。搣mietˋ：弄,做。搣metˋ(苗栗音)。
53.牛縋cuiˇ仔：打牛到鞭條。[麥]mak ：打,[麥]mak→加提手部。
54.[雀]ziok 泥：雙腳原地左右上下踏,且加水,[雀]ziok→加三點水部首。
55.杯butˋ泥：用畚箕盛泥土。[亥kaiˊ]：挑。[亥kaiˊ]→加提手部。
56.手上相siongˋ：胳臂。較go 幼iu ：較細膩。
57.桁hongˇ仔：屋頂瓦下的橫木。[棟,樑,桁,桷,棚,枋]各不同。
58.紅毛泥：水泥。 亞鉛ianˇ餅biangˋ：鉛板。
59.[島]doˋ樹仔：通常用[鋸]或[斧]使樹倒下。[島]doˋ→加[到]的刀部首。
60.磡kamˋ：大石頭壓著。磧zakˋ：小石頭壓著。
61.透teuˋ氣：呼吸。罅la 擺：足夠。
62.恁anˋ地neˊ：這樣。樣ngiongˋ地ngeˊ：怎樣地。
63.[得]dep 到：垂直向下掉到。[得]dep→[雙人]改提[手]部首。
64.敥iam 藥粉：振動使之掉下藥粉。
65.二扛[木盛]cang：兩座放禮品的抬箱,([木盛]cang)合為一字。
66.金戒蛄guˊ：鑲有珠寶類的戒子,禁子。
67.無搭dapˋ碓doi ：無目的,不關心。聲說sotˋ：說話聲音。
68.三牲senˊ：[左魚,右肉,中間雞]敬拜祖先神介牲品。
69.搖iak 手：掌指上下的手勢,表示招手。搖ieu手：掌手左右的手勢,表示否定。
70.唸ngiamˇ唸ngiam 唔停：口中說不停。唸ngiamˇ唸ngiamˇ唸ngiam唸ngiam。
71.恧nit 忸nuk ：驚嚇而身與心加速跳動。日驚夜會打忸nuk。
72.勒let 稈gonˋ：抱稻草。稈gonˋ棚pangˇ：稻草堆。
73.腆tiamˊ放忒hetˋ：忘掉。常透teu ：經常。
74.天瞨puˋ瞨地veˊ：天色朦朦未亮。雞[亡口]mangˇ啼,狗[亡口]吠：當早。
75.無麼makˋ介：有是有,似若無,即[有也一點點]。
76.噩ngokˋ 夜：熬夜。噩ngok 夜(海陸音),入聲字音海四音為第[五&六]互換。