"水滸" 客字解

以客为尊

"兀那漢子,你也鳥強,不換便罷,沒可得鳥嚇他!
--聯經版 35回 476頁

前後文 總下介大綱 大約係恁樣:
宋江帶等一大陣介人馬 離開"清風寨" 想往"梁山泊" 途中經過一間大酒店 宋'江帶等一路十過儕 落酒店吃酒 店肚有:大座頭三付(大桌3副) 冇幾多细座頭  其中一付大座頭先分一儕(石將軍 石勇)占走耶 宋喊少爺(究係儘早介"店小二"啦!)請介儕"橋一下( :普通話 客:換一下別桌)" 介人毋肯 嘴肚呢呢囉囉緊唸 還罵小二欺負佢只有一儕 還作勢要打小二 燕順(錦毛虎 宋江手下)講出列句:  "兀那漢子,你也鳥強,不換便罷,沒可得鳥嚇他!

水滸經過歷代版本 繆誤難免 編譯者亦冇一定係客人 捱儘量還原..
吓看無識介如下

兀那漢子 "兀"
語助詞 一般講來"無意義" 但係抵客語 有! 可代入"喂~"字 記得 要牽聲 聲音要拉長長

你也鳥強 "也"
俺推測 "也"係毋著介 抵"乜"字錯來 "作乜兮"(恁樣講介鄉親出來佐證一下) "麼介"耶合寫字

你也鳥強 "鳥"
轉音字 抵"屌"字轉來 音仝漢字"小" 想來大自家有仝識正著!

沒可得鳥嚇他! "沒可得"
原注"不應該" 捱認為有兜耶硬柪 捱試到用讀介音來還原會過吓好
"莫靠等" 係捱介看法
"靠""可" 女歌手"CO-CO李玟" 度好兩只音如前(四縣腔) 大約可以看出轉變介可能
"沒""莫" 勞 "得""等" 以早 一字多用 一字多義 一義多字介情形亦不少 何況音亦差毋多 究毋說耶

歸下湊起來 街路頭哄 古或仔(廣東話 賈禍崽??) 不良少年相罵介畫面究出來耶
用現下介話係恁樣:

"喂~ 后生耶! 汝展麼介屌大 毋換究算耶 莫靠等屌大嚇佢!"
(列句冇儘雅 請版主隱藏內容 有心者可看 俺冇權限 承蒙!)

以上只係各人見解 完全"腦內活動" 儘見笑 莫笑
如有認同 來列大笑三聲!

[ Last edited by 以客为尊 on 2005-12-1 at 16:59 ]