【推荐】客家山歌大收集!

冰子静雅

客家山歌 :


食烟爱食两三筒，
连妹爱连两三宗；
第一就要言语好，
又要人才盖广东。

放下担子坐茶亭，
敢唱山歌怕乜人。
阿哥好比诸葛亮，
唔怕曹操百万兵。

想爱风流赶少年，
人无两世在阳间.
六十花甲无几久，
风流一年正一年。

鸡公相打胸对胸，
山羊相打角乱冲。
男人相打争天下，
女人相打争老公。

月亮弯弯挂半天，
船子摇摇在河边。
有心搭船赶大水，
妹要恋郎赶少年。

阿妹生来确实靓，
髻尾梳来搭衫领。
阿哥看到心火起，
生理唔做田唔耕。

头照眼看唔真，
对面阿妹是乜人。
有情阿妹过来料，
无情阿妹莫转身。

山歌唔唱唔风流，
猪肉唔煎唔出油。
梧桐落叶心唔死，
无同妹料心唔休。

东边落雨西边晴，
新做田唇唔敢行。
灯心造桥唔敢过，
心肝想妹唔敢声。

阿妹爱连就来连，
莫嫌阿哥是耕田。
年终一收万使万，
尽在阿妹拿唔完。

讲起爱连就爱连，
人无两世在阳间。
人无两世在阳间，
花无百日在高山。

今唔风流等几时，
莫在阳间郁死哩。
阳间还是过日子，
阴间正是老住居。

七合八合哈上升，
三番四番唔成亲。
阿哥姻缘无我份，
灯心织布枉费神。

新打戒指红纸包，
上昼打来下昼交。
同妹交情发过誓，
先讲断情雷火烧。

阿哥有心妹有心，
铁杵磨成绣花针。
阿哥是针妹是线，
针行三步线来寻。



阿妹爱转慢慢行，
风吹面上莫着凉。
三日路头唔算远，
难分难舍心难冷。

一阵雨来一阵风，
看你衰鬼怕老公；
肚里心事唔恨讲，
蚊子咬了唔敢动。

摘茶阿妹真可怜，
背囊拗得像犁圆；
茶头绕到茶尾转，
几多辛苦做无钱。

衰鬼唔使紧嫌我，
你的命水还更歪；
一日三餐食唔饱，
一年四季着草鞋。

冰子静雅

山歌男女合唱:
<1>
男：桃花开来李花开，打生打死都爱来。还生同妹共床睡，死哩同妹共棺材。
女：生爱连来死爱连，生死都在你面前。金钱拿来做绣球，抛来抛去在身边。
男：睡目睡到发娘昏，地下石头当作银。死了三日死唔去，听到娘声就还魂。
女：难舍情郎来寻郎，嘱咐我郎莫心慌。几大事情我敢做，船大自有海来装。

<2>
女：阿哥出门去过番，阿妹送郎在门前。千山万水难见面，远隔重洋转来难。
男：千山万水难见人，莫因过番断了情；三年五载我就转，阿哥一转就行情。
女：郎今走了妹艰辛，日里无双夜单身；看到别人有双对，眼水汪汪正芳情。
男：我今出门去过番，阿妹心里爱放开；莫做过番唔晓转，日后还来再团圆。

冰子静雅

客家山歌特出名（梅縣傳統山歌）:

客家山歌特出（哇）名（哦），條條山歌（哇）有妹名（哦）， 條條山歌（哦）有妹（呀）份（喏），一條無妹（呦）唱（唔）成（ 哦）。

客家山歌特出名（哦），山歌又覲（呦）聲又甜（么），男女老 少都曉（個）唱(哦)，朝晨唱到月落岭（哦）。

客家山歌特出（哇）名（哦），山歌無腳（哇）萬里行（哦）， 山里唱到（哦）城里（個）轉（喏），五湖四海飄歌聲。

冰子静雅

注:有些转于:环球客家网 [/quote]

冰子静雅

收集客家山歌!