客家语口音：福建龙岩市永定县城区东兴坝

视频: 龙岩市永定县城区东兴坝口音（廖明廷提供）

第一篇          一張桌仔四四方                  四句詩集錦

一張桌仔四四方，紙筆墨硯在中央；一个書生冇停寫，寫出幾多好文章。
八月裡來桂花香，一陣秋雨一陣涼；一支甘蔗十八想，想去想轉都想娘。
不受塵埃半點侵，竹籬茅舍自甘心；只因無識林和靖，惹得詩人說到今。
雲母屏風燭影深，長河漸落曉星沉；嫦娥應悔偷靈藥，碧海青天夜夜心。
花開滿園自然香，八月秋風自然涼；初一殺豬十五賣，臭肉煎油假清香。
行路愛行路中心，兩片樹仔好遮陰；連妹愛連有情妹，千里路遙會來尋。
河中洗菜井水盪，大鑊煮來細碗裝；鑊鏟使到牽牽轉，等候娾哥轉家鄉。
膽又大來心又貪，毋到黃河心不甘；敢上南山打猛虎，敢捉蛟龍落龍潭。
食鹹食甜臭腳臁，不賒不欠毋受嫌；現金買賣不賒欠，甘蔗好食目目甜。
入山看到藤纏樹，出山看到樹纏藤；樹死藤生纏到死，樹生藤死死也纏。
只有相思淚兩行，陽關三疊苦難當；兩地相思難見面，恰似織女對牛郎。
一人撥扇兩人涼，一樹開花滿山香；柑子共皮冇共斂，兩人各姓共心腸。
白白淨淨娾毋貪，烏烏赤赤娾毋嫌；阿哥可比當梨樣，越烏越赤心越甜。
新打鐮刀白光光，鐮刀割草利霜霜；那有鐮刀唔割草，那有妹子唔戀郎。
新打茶壺七寸高，十人看了九人摸；人人都講係好錫，到底不知有鉛冇。
日頭落山滿山紅，我倆分別在路中；心想同郎共下去，無奈心同路不同。

永定县城东兴坝口音发音人廖明廷先生

         廖明廷先生系客家风情网个义工在永定县城滴背随机抽取个陌生发音人，当渠同渠爱人得知系来做客家口音收集时，渠两人十分乐意地接受了发音人哩个“义务劳动”。廖明廷先生看了一遍文稿后便开始录，并且将文稿个不少用字转换成本地客家话用字，相当难得。客家风情网对廖明廷夫妇对客家文化个热心表示万分个感谢，也希望海内外个客家人有到永定县城旅游时请到 凤山公园左侧100米个蛋糕店多买廖明廷夫妇个蛋糕。