视频: 广东大埔湖寮(ISY)
一张桌崽四四方,纸笔墨砚在中央;一只书生冇停写,写出几多好文章。 八月里来桂花香,一阵秋雨一阵凉;一条甘蔗十八想,想去想转都想娘。 冇受尘埃半点侵,竹篱茅舍自甘心;只因冇识林和靖,惹得诗人说到今。 云母屏风烛影深,长河渐落晓星沉;嫦娥应悔偷灵药,碧海青天夜夜心。 花开满园自然香,八月秋风自然凉;初一劏猪十五卖,臭肉煎油假清香。 行路爱行路中心,两片树崽好遮阴;连妹要连有情妹,千里路遥会来寻。 河边洗菜井水盪,大鑊煮来细碗装;鑊铲使到圈圈转,等候雅哥转家乡。 胆又大来心又贪,唔到黄河心冇甘;敢上南山打老虎,敢捉蛟龙落龙潭。 食咸食甜臭脚臁,冇赊冇欠冇受嫌;现金买卖冇赊欠,甘蔗好食碌碌甜。 落山看到藤缠树,出山看到树缠藤;树死藤生缠到死,树生藤死死也缠。 只有相思泪两行,阳关三叠苦难当;两地相思难见面,恰似织女对牛郎。 一人拨扇两人凉,一树开花满山香;柑果共皮冇共敛,两人各姓共心肠。 白白净净娾冇贪,乌乌赤赤娾冇嫌;阿哥可比当梨样,越乌越赤心越甜。 新打镰刀白光光,镰刀割草利霜霜;奈有镰刀冇割草,奈有妹崽冇恋郎。 新茶壶高七寸多,十人看了九人摸;人人都讲係好锡,唔知到底有铅冇。 热头落山满山红,雅俩分別在路中;心想同郎共下去,无奈心同路冇同。
转载自『客家人社区』 http://www.HakkaOnline.com https://www.hakkaonline.com/thread-65705-14-1.html |