蛇冇毛，风冇撑，秀才讲古也冇柄！

          加早（从前）有只人，看到一大堆人听秀才讲古，就行前去问秀才讲脉个古，秀才有意刁难渠(他），就捞渠讲：“好能能（无端端）走来问厓，今下捞nga1（我的）‘古柄’打断咯，快快赔转分厓”。渠样知（怎么知道）脉个安做“古柄”，吓倒渠快快走转屋家偋（藏）起来。
         渠妹子（女儿）看到渠咹惊，就问渠做脉个咹惊。渠就捞妹子讲清楚原因。渠妹子讲渠有办法应付。
           秀才上门讨古柄，看到系渠妹子来开门，就问：ngia1（你的）爸在奈位（哪里）？快快赔转古柄来！妹子答：nga1爸下水治（音ci2，据考此即为客家话杀鸡杀猪的本字）蛇毛。秀才就话：捞鬼讲，蛇奈有（哪有）毛啊？那ngia1妈呢？妹子答：nga1妈上山斫风撑。秀才又话：又捞鬼讲，风有得撑个（的）？妹子此时反驳道：介（既然）蛇冇毛，风冇撑，秀才讲古也冇柄啊！  秀才自知理亏，只好作罢！

http://www.hakkaonline.com/forum/viewthread.php?tid=58864&page=1#pid595290