找回密码
 用户注册

QQ登录

只需一步,快速开始

查看: 3120|回复: 0

猴仔佬老鼠仔又對教室冤家

[复制链接]
发表于 2012-8-29 23:10:25 | 显示全部楼层 |阅读模式

[客家少年文學系列-油桐花童話集-張捷明寫作錄音]
未用造字,以同音字代,以利電子檔傳輸 苗栗腔


油桐花森林小學介猴仔佬老鼠仔,又對教室冤家。
[翻譯]:油桐花森林小學的猴子和小老鼠,又在教室吵架。

猴仔講:「汝恁(an)細隻仔定定,無該三兩重,還恁(an\)毋自重,愛佔恁多位仔」。
[翻譯]:猴子說:「你這麼小的個子而已,沒有那三兩重,還這麼不自重,要佔這麼多位子」。

老鼠仔不服,應轉去講:「啀就係無該三兩重,正恁毋自重,仰矣?不服嘿?汝又咩恁貪心,
先生明明交代講,一儕坐一半,做麼該汝硬硬愛號過來。」猴仔佬老鼠仔『石鏨鏨石頭,
硬堵硬』全無讓嘴。
[翻譯]:小老鼠不服氣,反駁回去說:「我就是沒有那三兩重,才這麼不自重,想怎樣?不服嗎?你也是這麼貪心,
老師明明交代說,一個人坐一半,為什麼你硬是要佔過來。」猴子和小老鼠『石鑿鏨石頭,硬碰硬』嘴巴全沒有相讓。

原來,老鼠仔佬猴仔,讀書坐共張桌,猴仔取佢較高大,見擺就愛欺翕老鼠仔。毋過,
老鼠仔『細罔細,拳頭尖膩膩』,佢頭腦當精,全無分人批,尤其係這隻共下坐介猴精仔,
老鼠仔正毋驚佢係猴哥、猴精、也係山猴仔,佢逐擺就講:「只愛啀『樹頭企得在,
就毋驚佢樹尾做風裁』」。老鼠仔毋係分人嚇大介,知講『根深不怕風搖動,樹正無愁月影斜』
,企到理字這片,就毋驚人橫行。
[翻譯]:原來,小老鼠和猴子,讀書坐同一張桌子,猴子仗著他比較高大,每次就要欺侮小老鼠,不過,
小老鼠『小雖然小,拳頭卻不得了』,他頭腦反應很機靈,完全不讓人佔便宜,尤其是這隻一起坐的猴葸子,
小老鼠才不怕他是猴哥、猴精、還是山猴子,他每次都說:「只要我『樹頭站得穩,就不怕他樹尾刮颱風』」。
小老鼠不是給人嚇大的,知道說『根深不怕風搖動,樹正不愁月影斜』,站到理字這片,就不怕別人橫行。

猴仔講:「汝四腳搭地就無吾拳頭母高,打直量從頭到尾就係成捻長,空著介位仔恁闊,
放佢閒做麼該?汝無看著啀手長腳長尾還較長,無法度伸懶筋睡目係無?」
[翻譯]:猴子說:「你四腳著地都沒有我的拳頭高,打直量從頭到尾,也不過是大約姆指食指張開長而已,
空著的位子這麼寬闊,放他閒做什麼?你沒有看著我手長腳長尾巴更加長,沒有辦法伸懶腰睡覺嗎?」

老鼠仔應講:「恩到學校係愛來讀書介,毋係來睡目介,坐正來,愛翻身轉側就還當鬆容,
做麼該算定愛憑過來尖燒?」。
[翻譯]:小老鼠回答說:「我們到學校是要來讀書的,不是來睡覺的,坐端正來,要翻身轉背都還很寬鬆,
為什麼偏偏要靠過來湊熱鬧?」

猴仔講:「講汝矮汝還毋信,還會拗講係細隻溜掠;『大孔毋講講闊闊』,矮牯仔看天毋著,
奈知天幾高?像啀恁高介猴仔,愛擔幾多責任汝知無?連天跌下來,
都還愛啀高天天仔介猴仔先承起來,故所啀一有閒就愛多睡一下目,係無,
精神無足,天一落下來無承好勢,就會佬汝這隻細老鼠,磧到扁扁、磧到變乾、
磧到腸胗就瀉出來、磧到汝無命好食蕃薯湯。」狐狸信天來,無影無跡講到死老都丁丁企。
[翻譯]:猴子說:「說你矮你還不信,還會強辯說是小個子比較靈活--『大洞不說說寬闊』
(客諺:避重就輕;以不同說法掩飾缺失;轉移焦點,轉移話題),矮個子看天不到,那知道天有多高?
像我這麼高的猴子,要擔幾多責任你知道嗎?連天塌下來都還要我高人一等的猴子先頂住,
所以我一有空就要多睡一下覺,要不然,精神不好,天一塌下來要是沒頂住,就會將你這隻小老鼠壓到扁扁、壓到變乾、
壓到腸肚都爆出來、壓到你沒有命好吃蕃薯湯。」狐狸天花亂墜信口開河,無憑無據說到死人都站起來。

老鼠駁佢講:「汝莫對該落下頷,『三兩人講該四兩話』,莫講從盤古開天到這下,天毋識落下來,
就算會落下來,又咩有牛仔、河馬、長頸鹿去核,跟本就輪毋著汝去『愁該六月天公無日頭』,
係講牛仔也承毋贏,橫下來睡到地泥下,就還比汝這隻山猴仔,企直直手擎高高還較高,若下頷啊,
留等轉去承粥水好仔哪。」汝有上天梯,啀有落地索,老鼠仔咩恁厲害。
[翻譯]:老鼠反駁他說:「你不要在那說大話掉下巴,『三兩人說那四兩話』(不自量力),別說從盤古開天到現在,
天不曾塌下來,就算會塌下來,也還有牛、河馬、長頸鹿去承擔,跟本就輪不著你去『擔心那六月天公沒有太陽』
(祀人憂天),要是連牛也頂不住倒下來倒睡到地下,都還比你這隻山猴子,腰桿挺直手舉高高還要高,你的下巴啊,
留著回去接稀飯湯好了哪。」你有上天梯,我有落地索,老鼠也一樣厲害。

「哈!哈!哈!」猴仔聽著,毋單只無發譴,顛倒笑起啊來講:「啀係講汝盎零,
汝還會拗講汝係斯文,汝『知人介番薯也係芋仔』,啀佬汝講,
天一落下來啀就先驫上牛背囊頂高,佬天托等,正喊大家擎楯仔來ten堵,恁簡單就毋知,
還講汝精,知人介屁卵啦,上擺汝考第一名,啀看怕抄啀介答案呵?係無?」
[翻譯]:「哈!哈!哈!」猴子聽到,不但沒有發飆生氣,反倒笑了起來說:「我要是說你什麼都不會,
什麼不懂,你還會強辯說你是斯文人家,你『知道人家是番薯還是芋頭』,我是說,天一塌下來我就先跳上牛背上,
將天托著,才叫大家拿柱子來幫忙撐住,這麼簡單都不知道,還說你精明,知道人的屁蛋啦,上次你考試第一名,
我看恐怕是抄我的答案吧?是嗎?」

老鼠仔陰笑一下講:「東溪清、西溪黃,合水見端詳,你毋使懷疑啀介頭腦巧,
毋使賴啀抄汝介答案,啀來詳細佬汝講分將;係照汝恁仰講,下二擺天係真經落下來,
啀咩跈等就先跋上若頭顱頂,啀負責托天頂,汝負責企正來承,愛企好勢來喔!係無,
汝係一下腳軟搵啊落,天就會佬汝磧到變漿,磧到變乾,再分人擐去炆猴膏」
[翻譯]:小老鼠冷笑一下說:「『東溪清、西溪濁,合流見端詳』(事久見人心),你不用懷疑我的聰明,
不用誣賴我抄你的答案,我來一一為你說分明;要是照你這麼說,下一次天要是真的塌下來,我馬上就先爬上你的頭上,
我負責托住天頂,你負責站穩來頂住,要站穩來喔!要不然,你要是一下腳軟趴下去,天會將你壓到變漿,壓到變乾,
再讓人提去熬猴膏」。

猴仔聽著跈等應轉去講:「天係承毋贏,啀死汝咩死,看汝愛仰般喊人炆吾猴膏,
戇面得似仔。」
[翻譯]:猴子聽到馬上反駁回去說:「天要是接不住,我死你也死,看你要怎麼叫人把我熬猴膏,
真是一臉捶捶,一付呆頭呆腦的樣子。」

「嘿!嘿!嘿!」老鼠仔開始笑起來講:「啀係講汝脧面,汝還會拗講汝係讓嘴,
啀佬汝講,麼該按到『細隻溜掠』介好處,天一落下,汝企毋正會分天磧著,啀展前就跳下來,
沿等地泥下介必縫上,走到水牛牯介背襄下囥,等天殼必開來,正用啀細細仔介沿身鑽出去,
到時節天下就係啀老鼠仔佬黃蚻、憲公、蟻公等等小動物介天下仔。」
[翻譯]:「嘿!嘿!嘿!」小老鼠開始笑起來說:「要是說你傻瓜,你還會強辯說你是讓手,我和你說,
什麼叫做『小個子靈巧』的好處,天一塌下,你站不穩會讓天壓住,我提前就跳下來,沿著地面的裂縫上,
跑到大水牛的背下藏,等天殼裂開來,才用我小小的身子鑽出去,到時候地面就是我小老鼠、蟑螂、蚯蚓、
螞蟻等小動物的天下子。」

猴仔想拗轉去,毋過一時節愐無計,有兜仔毋擔輸贏,想愛起戇面發譴,毋過佢當猴,
一轉手又畀想加一條計,跈等就講:「天頂生來係仰般形,就無人識看過,
汝仰恁知天幾賁?還會必開來,無憑無據毋驚話舌母走腕?」
[翻譯]:猴子想反駁回去,可是一時間想不出子法,有一些輸不起想要變臉生氣,可是他很搞怪,
一下子又給他再想到一個點子,接著就說:「天頂生來是什麼樣子,就沒有人曾看過,
你為什麼知道天有多厚?還會裂開來?沒憑沒據不怕舌頭脫臼?(風大閃了舌頭)」

老鼠仔跈等就應轉去講:「天係無殼,汝頭下仰般講天會落下來,還講到有手有腳?」
老鼠仔『拿猴仔介拳頭,汪(vongˊ)猴仔介嘴角』。
[翻譯]:小老鼠馬上就頂回去說:「天要是沒有頂,你剛才為何說天會塌下來,還說到有手有腳(繪聲繪影,真的一樣)?」
小老鼠『拿猴子的拳頭,打猴子的嘴角(以子之矛,攻子之盾)』。

猴仔分倒頭鎚打著,嘴擘擘仔,這擺正經應毋出來矣,一隻面譴到偢紅罵講:
[這隻矮古仔,無人介鼻屎大,仰做得拗贏啀,無天理。]猴子打潑賴起魯夫。
[翻譯]:猴子給倒頭鎚打到(被人以其人之道還治其人),嘴巴張大大,這次真的回答不出來了,
一張臉氣到漲紅罵說:[這個矮個子,沒人家的鼻屎大,怎麼可以辯贏我,沒天理。]猴子在耍賴蠻橫不講理。

老鼠講:[仰會做毋得贏汝,吾公講:人係毋照天理,天就毋照甲子,硬拗係拗仔著食,天就會落紅雨。]
[翻譯]:小老鼠說:[怎會不可以贏你,我祖父說:人要是不講道理,天自然就容不得你霸道橫行。
(人要是不尊重大自然,大自然就不照規則運作)。要是硬拗可以過生活,天都會下紅雨]

老鼠仔續等又講:「天係無頂,汝就毋使恁操煩天會落下來,就毋使恁闊介位仔睡目養精神,
汝就乖乖坐汝到位仔上讀書就好,啀知猴仔好震動,較坐毋歇,汝略略仔坐較過來無相干,
莫影響啀寫字就好,恁仰做得無?」老鼠仔『會打鐵合會轉鉗』,其姆可能識教佢『相罵經』,
正恁有相罵本。
[翻譯]:小老鼠接著又說:「天要是沒有頂,你就不必這麼操心天會塌下來,也就不必這麼寬的位子睡覺養精神,
你就乖乖坐自己到位子上讀書就好,我知道猴子喜歡動,比較坐不住,你稍稍的坐過來一些沒有關係,不要影響我寫字就好,
這樣可以嗎?」小老鼠『會打鐵,還會翻轉鉗子兩面打』(剛柔並用),他的媽媽可能曾教他『相罵經』(古時後吵架的藝術書),
才有這麼多吵架本事。

猴仔拗輸人,本旦當譴介,毋過聽著老鼠仔恁講,又試著敗勢起來,
頭lai_lai_仔,過了一下仔正點頭講好。又問老鼠仔講:「汝頭下講,
天係落下來,下二擺就會變到小動物介天下,汝仰仔恁有恁生趣介想像力呢,係麼人教汝介?」
[翻譯]:猴子辯輸人,原本是很生氣的,不過聽著小老鼠這麼說,又覺得不好意思起來,頭低低的,過了一會兒才點頭說好。
又問小老鼠說:「你剛才說,天要是塌下來,以後就會變到小動物的天下,你為什麼會有這麼有趣的想像力呢,是誰教你的?」

莫看老鼠仔無人介三兩重,毋過佢[將軍額上可跑馬,宰相肚裡好撐船],騰等就當謙讓介講:
「這無麼該啦,因為恁堵好上節課,先生正教過恐龍介故事,啀就隨口拿來用介啦?」
[翻譯]: 別看小老鼠沒有三兩重,可是他[將軍額上可跑馬,宰相肚裡好撐船],馬上就很謙虛的說:「這沒有什麼啦,
因為這麼剛好,上節課老師才教過恐龍的故事,我就隨口拿來用的啦。」

猴仔當疑問介問講:「上節課教介?啀仰毋知呢?先生仰恁大小心梟人無教啀?
汝講加一遍分啀聽好無?」
[翻譯]:猴子很懷疑的問說:「上節課教的?我怎麼不知道呢?老師為什麼這麼偏心沒有教我呢?
你再說一遍給我聽好不好?」

老鼠仔講:「該下汝對該啄目睡,啀喊汝毋醒,毋正無聽著。先生大體仔係講,
在六千五百萬年前,一粒掃芭星dep著地球,一時間滿天下湧塵打灰,烏天暗地幾下年,
地球上介植物無辦法吸收陽光,漸漸仔就死忒仔,偎靠大量植物過餐生活介動物,
就跈等生存毋下去。尤其體形盡大,當時介地球主人『恐龍』,做盡都無好食,飫死滅忒,
就賸著細細隻介動物,尤其係本旦就暗晡頭正出來絡食,日時頭囥到窿上介小動物,
正有辦法生存下來。其中有一種安到「有脊椎(龍骨)動物類」包尾就變到老鼠仔、猴仔、
狗仔介祖先,包括人類在內,大家都係親戚。在嚴格介環境中,愈幼愈細介動物正能節省食物,
通過考驗留存下來,因為先生正教過,故所啀正能編該下介故事啦。」
[翻譯]:小老鼠說:「那時候你在那打瞌睡睡,我叫你不醒,不才沒有聽到。老師大概是說,在六千五百萬年前,
一粒慧星掉到地球,一時間滿天下灰塵蔽天,黑天暗地好幾年,地球上的植物沒有辦法吸收陽光,漸漸子就死去子,
依賴大量植物過餐生活的動物,就跟著生存不下去。尤其體形最大;當時的地球主人『恐龍』,全部都沒有植物好吃,
餓死消滅了,就剩下小小隻的動物,尤其是原本就晚上才出來覓食,白天藏到洞裡的小動物,才有辦法生存下來。
其中有一種叫到「有脊椎(龍骨)動物類」後來就變到小老鼠、猴子、狗的祖先。包括人類在內,大家都是親戚。
在嚴格的環境中,愈細愈小的動物才能節省食物,通過考驗留存下來,因為老師才教過,所以我才能編剛剛的故事啦。」

猴仔當敗勢介講:「哎!見笑!見笑!平平來讀書,『啀讀三年毋識字,汝讀三年中秀才,』
難怪汝逐擺就打第一,正經是『讀書須用意,一字值千金』,請下二擺時常督促啀讀書,
係有讀毋識介,正請汝教啀好無?就毋知會宕若時間無?」。
[翻譯]:猴子很不好意思的說:「哎!慚愧!慚愧!同樣來讀書,『我讀三年不識字,你讀三年中秀才,』
難怪你每次就考第一名,真的是『讀書須用意,一字值千金』,請以後時常督促我讀書,要是有讀不懂的,
再請你教我好嗎?就不知道會不會耽誤你的時間?」。

老鼠仔講:「毋會毋會,啀教汝一遍,可比啀自家又複習加一遍,恁仰還較好呢,講麼該宕時間,
恩共下來複習啦。」細老鼠當謙虛。
[翻譯]:小老鼠說:「不會不會,我教你一遍,等於我自己又複習加一遍,這樣更好呢,說什麼眈誤時間,我們一起來複習啦。」
小老鼠很謙讓。

猴仔講:「恁仔細,啀誠心為頭擺無禮介態度佬汝會失禮,希望大家做好朋友。」猴仔知錯必改。
[翻譯]:猴子說:「真謝謝你,我誠心為以前沒有禮貌的態度和你對不起,希望大家做好朋友。」猴子知錯必改。

老鼠仔應講:「恩本旦就係好朋友,下二擺還係好朋友。」老鼠仔『將軍額上好跑馬,
宰相肚裡好撐船』當好量。,就恁仰仔,兩儕就毋識再過冤家仔。
[翻譯]:小老鼠回答說:「我們原本就是好朋友,以後還是好朋友。」小老鼠『將軍額上好跑馬,宰相肚裡好撐船』
心胸寬大,就這樣子,兩個人就不曾再吵架了。

客話介危機,並毋係細人仔毋會講客正開始介,客話介危機從世大人同先生,無用客話打嘴鼓該央時開始,就種下客話滅亡介惡果矣。
開始講客贏過有能力講客,請開使用客話打嘴鼓。
【請培養兩公婆開嘴講客介勇氣,突破毋敢開嘴講客介心理障礙。試看欸,毋會難喔!】
回复

使用道具 举报

您需要登录后才可以回帖 登录 | 用户注册

本版积分规则

存档|手机版|返回页顶|客家风情——客家人·客家网 HakkaOnline.com

GMT+8, 2024-3-29 01:21 , Processed in 0.063053 second(s), 5 queries , Gzip On, Redis On.

Powered by Discuz! X3.5

Copyright © 2024 https://www.hakkaonline.com

手机扫码访问
快速回复 返回顶部 返回列表