油桐花樹下介童話 下課十分鐘

huangchunbin

[客家少年文學系列-油桐花童話集-張捷明寫作錄音]
未用造字,以同音字代,以利電子檔傳輸 苗栗腔　



-------------------------------------------------

[原文]:今晡日鸚哥先生，對油桐花樹樹下介森林小學上客家話課。

[翻譯]:今天鸚哥老師，在油桐花樹樹下的森林小學，上客家話課。



[原文]:下課鐘一響，先生講：「下課囉！」大家佬先生行禮講：「先生恁仔細！」。

[翻譯]:下課鐘一響，老師說：「下課囉！」大家和老師行禮說：「老師謝謝！」。



[原文]:等先生一行啊出門外背，大家就相埰衝等出。

[翻譯]:等老師一走出門外面，大家就爭相恐後衝著出去。



[原文]:手腳盡遽介係猴仔同狗仔，兩儕同時走到教室門口。

[翻譯]:手腳最快的是猴子和狗兒，兩個同時跑到教室門口。



[原文]:猴子介手伸長長，手指尾一下揬到門梗就講：「啀先到，分啀先出去。」

[翻譯]:猴子的手伸長長，手指尾端一下碰到門框就說：「我先到，給我先出去。」



[原文]:狗仔也講：「麼人講？汝無看到吾介腳趾頭既經先踏到門檻哩係無？分啀先出去。」兩儕擠在門口，肩胛對肩胛出暗力，無人肯相讓。

[翻譯]:狗兒也說：「誰說？你沒有看到我的腳趾頭已經先踏到門檻了是嗎？給我先出去。」兩個擠在門口，肩膀對肩膀出暗力，沒有人肯相讓。



[原文]:猴仔一轉身，勢胐捩往出，想愛退啊出先走，狗仔一看，奈有恁好來讓渠，渠也一出力環一圈，兩儕又勢朏對勢朏鬥共下。

[翻譯]:猴子一轉身，屁股往外轉出，想要退出先跑，狗兒一看，哪有這麼好來讓他，他也一出力轉一圈，兩個又屁股對屁股鬥在一起。



[原文]:騰等第二遽介係老鼠仔，渠無搭該兩儕相鬥仔，自家對門角介縫仔上鑽啊出！第三遽介係畫眉仔，渠對該兩儕介頭顱頂飛等過。第四個係長頸鹿，渠腳長頸莖還較長，企在後背毋得出，無葛無煞。

[翻譯]:接著第二快的是老鼠仔，他沒有理那兩個相鬥，自己在門角的縫上鑽了出去！第三快的是畫眉鳥，他在那兩個的腦袋上飛著過。第四個是長頸鹿，他腳長脖子更長，站在後面出不得，不知怎麼辦才好。



[原文]:過後背介兔仔，緊蹬腳緊愛噭愛噭仔講：「啀會拉尿哩啦，先分啀過好無？班長，汝看哪！」

[翻譯]:又再後面的是兔仔，一直跺腳一直要哭要哭的說：「我會尿褲子了啦，先給我過去好沒有？班長，你看哪！」



[原文]:班長係豬妹妹，渠坐邸最後背，渠將目鏡戴起來一看，又係該對盡好鬥介山猴仔同石頭狗在該作怪。

[翻譯]:班長是豬妹妹，他坐在最後面，他將眼鏡戴起來一看，又是那那最好鬥的山猴子和石頭狗在那作怪。



[原文]:豬妹妹先「喔_vi~」一聲大大聲，該係渠發譴該時節盡慣嘴介第一聲，接下來豬妹妹就愛罵人了。

[翻譯]:豬妹妹先「喔vi~」一聲大大聲，那是他生氣的時候最習慣的第一聲，接下來豬妹妹就要罵人了。



[原文]:豬妹妹平常時盡溫純，同大家都盡好，就單淨這兩儕，逐擺就愛豬妹妹發譴正會聽話。

[翻譯]:豬妹妹平常時最溫柔，和大家都最要好，就單單這兩個，每次就要豬妹妹生氣才會聽話。



[原文]:門口這兩儕，耳公無聾，也有聽到豬妹妹發譴仔，兩儕企正來，汝翕啀，啀翕汝，未等豬妹妹開嘴罵，兩儕介勢朏就像講好勢共樣，共下捩啊轉，頭顱向外背，起腳就走到朦線。猴仔跋到油桐花樹樹頂去吊晃摃仔，狗仔走到油桐花樹樹下搞溜滑梯。

[翻譯]:門口這兩個，耳朵沒有聾，也有聽到豬妹妹生氣了，兩個站好來，你瞪我我瞪你，還沒等豬妹妹開口罵，兩個的屁股就像事先說好一樣，一起轉一圈，腦袋向外面，一溜煙就跑到不見蹤影。猴子爬到油桐花樹樹上去吊單摃，狗兒跑到油桐花樹樹下玩溜滑梯。



[原文]:門口介長頸鹿閃開分兔仔先過，兔仔嘴講：「恁仔細！」話未講煞，腳全無停妥，咚！咚！咚！咚！咚！咚！…，遽遽跳去便所屙尿哩！後背介花貓公扐等籃球愛去運動坪，雞公、狐狸、山阿鵲，陸陸續續行往出，

[翻譯]:門口的長頸鹿讓開給兔仔先過，兔仔嘴巴說：「謝謝你！」話還沒說完，腳完全沒有停頓，咚！咚！咚！咚！咚！咚！…，趕快跳去廁所尿尿了！後面的花貓公抱著籃球要去運動場，公雞、狐狸、山喜鵲，陸陸續續往外走，



[原文]:教室賸到班長豬妹妹適該掃地泥，憲公企在教室門口講：「豬妹妹班長，恩出去行行啊，看一下山上介油桐花，透一下氣好麼？。」

[翻譯]:教室剩到班長豬妹妹在那掃地，蚯蚓站在教室門口說：「豬妹妹班長，我們出去走一走，看一下山上的油桐花，呼吸一下新鮮空氣好嗎？。



[原文]:豬妹妹應講：「啀忒大箍，出出入入忒多擺，驚佬門尖爆忒，啀掃地泥兼減肥就好哩！」憲公講：「汝就係忒過煞猛讀書，無出去行行啊！正會緊來緊肥，還愛戴目鏡。」

[翻譯]:」豬妹妹回答說：「我太肥了，進進出出太多次，怕把門擠爆掉，我掃地兼減肥就好了！」蚯蚓說：「你就是太過努力讀書，沒有出去走一走！才會愈來愈肥，還要戴眼鏡。



[原文]:豬妹妹分渠講到盡敗勢介講：「好啦，好啦，恩共下出去啦！」，憲公當歡喜介講：「係哪，恁仰就著哪！毋過汝做得分啀參詳無？分啀跋到若背囊上，正跈得汝到！」豬妹妹講：「啀就知哦！汝賣懶得似哩！」憲公講：「毋係賣懶啦！啀恁仰正做得同汝緊行緊講話。汝放心，啀會將汝介背囊準做運動坪，趖過來趖過去，一片運動一片打嘴古，恁仰毋係盡好咩！」豬妹妹班長講：「汝還曉得喔！屙尿合抓鹹菜，屙屎合挖芋仔，上來啦！」憲公講：「恁仔細！」就煞煞從豬腳趾開始跋往上。

[翻譯]:」豬妹妹給他說到很不好意思的說：「好啦，好啦，我們一起出去啦！」，蚯蚓很高興的說：「是哪，這樣就對了哪！不過你可以給我商量一下好嗎？給我爬到你的背上，才跟得到你！」豬妹妹說：「我就知道哦！你偷懶罷了！」蚯蚓說：「不是偷懶啦！我這樣才可以和你邊走邊說話。你放心，我會將你的背當做運動場，爬過來爬過去，一邊運動一邊聊天，這樣不是很好嗎！」豬妹妹班長說：「你好會算喔！尿尿兼抓鹹菜，屙屎兼挖芋頭，上來啦！」蚯蚓說：「謝謝！」就趕快從豬腳趾開始往上爬。



[原文]:豬妹妹企等毋敢震動，驚憲公跌下來，還當驚心介吩咐憲公講：「愛細義哦！跌下來時毋係搞哦！」憲公應講：「汝還貼吾心肝哦！恁仔細！啀知。」

[翻譯]:豬妹妹站著不敢動，爬蚯蚓跌下來，還很擔心的吩咐蚯蚓說：「要小心哦！跌下來可不是鬧著完的哦！」蚯蚓回答說：「你對我好體貼哦！謝謝！我知道。」



[原文]:豬妹妹又問講：「等下恩愛搞麼介好呢？」憲公應講：「恩來去搞翹翹板好無？」豬妹妹講：「好啊！好啊！」

[翻譯]:豬妹妹又問說：「等一下我們要玩什麼好呢？」蚯蚓回答說：「我們來去玩翹翹板好嗎？」豬妹妹說：「好啊！好啊！」



[原文]:憲公接等就開始唱起翹翹板介山歌啊來：「一儕一片翹啊翹，有高有低有歡笑；看近看遠輪等來，兩儕平重好ten頭。」

[翻譯]:蚯蚓接著就開始唱起翹翹板的山歌起來：

「一個一邊翹啊翹，有高有低有歡笑；看近看遠輪著來，兩個平重好稱頭。



[原文]:豬妹妹聽到這，想想毋著，渠佬憲公介身胚仔爭差恁多，渠接等就唱：「啀恁大箍汝恁瘦，頭重尾輕難ten頭，係愛同汝共下搞，等啀減肥正相招。」

[翻譯]:」豬妹妹聽到這，想想不對，他和蚯蚓的身材相差這麼多，他接著就唱：

「我這麼肥你這麼瘦，頭重尾輕難稱頭，想要和我一起玩，等我減肥才相邀。



[原文]:憲公知渠無自信，就唱轉去安慰渠講：「毋使道嘆毋使愁，等啀喊人湊共頭，蛇哥柺仔並老鼠，包汝搞到毋肯走。

[翻譯]:」蚯蚓知道他沒有自信，就唱回去安慰他說：

「不用嘆氣不用愁，等我叫人同一頭，小蛇青蛙並老鼠，包你玩到不肯走。



[原文]:豬妹妹還係毋放心，又唱：「四儕湊等有幾重，啀一坐落難震動，毋當汝就湊別儕，啀掃地泥準運動。

[翻譯]:豬妹妹還是不放心，又唱：

「四個湊著有多重，我一坐下難搖動，不如你就邀別人，我掃教室當運動。



[原文]:憲公嘴唱山歌，手腳毋敢有半下停妥，渠歸身仔出力跋一路上，聽到豬妹妹還毋放心，就應講：「該啀喊水牛大哥湊共頭？」

[翻譯]:蚯蚓嘴唱山歌，手腳不敢有半下停頓，他整個身體一起出力爬一路上，聽到豬妹妹還不放心，就回答說：「那我喊水牛大哥湊同一頭？」



[原文]:豬妹妹講：「啀正三百斤重，水牛大哥千二斤重，到時續來換啀翹高高，毋得下來仔。」

豬妹妹說：「我才三百斤重，水牛大哥一千二百斤重，到時倒來換我翹高高，下不來了。」



[原文]:豬妹妹介數學異好，憲公介頭腦也不差，跈等又講：「河馬大哥千五斤重，換牛大哥同汝共頭，河馬大哥佬啀兜共下，恁仰毋就堵堵好仔。」

[翻譯]:豬妹妹的數學很好，蚯蚓的頭腦也不差，接著又說：「河馬大哥一千五百斤重，換牛大哥和你同一頭，河馬大哥和我們一起，這樣不就剛剛好了。」



[原文]:豬妹妹講：「係喲！係喲！啀仰無想著呢，毋過…」豬妹妹心肝肚愐加一下，還係試到無妥當，渠講：「平重係平重仔，毋過，就毋知翹翹板承得嬴三千斤無？」

[翻譯]:豬妹妹說：「是喲！是喲！我怎麼沒有想到呢，不過…」豬妹妹心裡面又再想一下，還是覺得到不妥當，他說：「等重是等重了，不過，就不知翹翹板撐得住三千斤嗎？」



[原文]:憲公也愐一下講：「著喔呵！唉！莫管渠了啦，去到運動坪正搞別項啦！」講煞又煞煞跋等上，渠目珠既經看到豬背囊了，盡歡喜介蹶加一步腳跋啊上背囊，氣哩呼嚕氣急急講：「來去喲！」上課鐘就響了。

[翻譯]:蚯蚓也想一下說：「是喔呵！唉！不管他了啦，去到運動場才玩別的啦！」說完又趕快爬著上，他眼睛已經看到豬背了，非常高興的再加一腳步一爬上背，唏哩呼嚕喘著氣說：「來去喲！」上課鐘就響了。



[原文]:憲公拿起吊在頸根項介時錶仔一看，原來渠既經用忒九分又九秒。無奈何，渠又遽遽將豬尾準溜滑梯溜一路下來，好得正用忒九秒鐘。

[翻譯]:蚯蚓拿起吊在脖子上的手錶仔一看，原來他已經用了九分又九秒。沒奈何，他又趕快將豬尾巴當溜滑梯溜一路下來，好在才用掉九秒鐘。



[原文]:憲公蹶到一身汗，毋過豬妹妹還係無運動著。大家又行等入教室。

[翻譯]:蚯蚓爬到一身汗，不過豬妹妹還是沒有運動到。大家又走著入教室。



[原文]:老鼠仔打第一，渠講：「豬妹妹汝兩儕還遽快喔！比啀還較緊手轉到教室。」憲公聽著當敗勢。

[翻譯]:老鼠仔打第一，他說：「豬妹妹你兩個好快喔！比我還要快回到教室。」蚯蚓聽到很不好意思。



[原文]:第二介係牛仔，第三介係老虎，第四介係兔仔，盡包尾介又係該兩隻盡好搞介搞潭精；猴仔合狗仔，兩儕又尖適門口相埰講：「啀先！」「啀先！」毋肯相讓。又聽到教室肚「o_vi…」一聲大大聲，這兩儕正乖乖仔一儕一片，行轉自家介位仔上坐好。

[翻譯]:第二名是牛，第三名是老虎，第四名是兔子，最後面的又是那兩隻最好玩的愛玩精；猴子和狗兒，兩個又幾在門口爭相說：「我先！」「我先！」不肯相讓。又聽到教室裡「o_vi…」一聲大大聲，這兩個才乖乖仔一個一邊，走回自己的位子上坐好。



[原文]:先生跈等行入教室，又上課仔。

[翻譯]:老師接著走進教室，又上課了。



客話介危機,並毋係細人仔毋會講客正開始介,客話介危機從世大人同先生,無用客話打嘴鼓該央時開始,就種下客話滅亡介惡果哩  開始講客贏過有能力講客 請開始用客話打嘴鼓

【請培養兩公婆開嘴講客介勇氣,突破毋敢開嘴講客介心理障礙 試看欸,毋會難喔!】