屎棍條狐狸愛同猴仔相打

huangchunbin

[翻譯]:痞子狐狸要和猴子打架
   
[客家少年文學系列-油桐花童話集-張捷明寫作錄音]
未用造字,以同音字代,以利電子檔傳輸 苗栗腔　


  
讀油桐花森林小學介狐狸,行到操場唇介油桐樹下過，佢著一身名牌介西裝，
戴一頂尿勺帽、尾翹起來，兩隻肩頭聳高高，兩隻手緊晃，頭臥臥仔，目珠視往上，
像屎掍條介樣仔。
[翻譯]:讀油桐花森林小學的狐狸,走到操場邊的油桐花樹下過，他穿著一身名牌的西裝，
戴一頂圓頂帽、尾翹起來，兩隻肩膀聳高高，兩隻手一直晃，頭抬起，目珠往上看，像痞子的樣仔。

狗仔行等過，同佢打招呼，佢毋聲人，兔仔行等過同佢打招呼也共樣，
續下來豬仔、貓仔、牛仔、還係共樣。
[翻譯]:狗走著過去，和他打招呼，他不理睬人，兔子走著過去和他打招呼也ㄧ樣，
接下來豬、貓、牛、還是ㄧ樣。
   
猴仔對背尾也行等來喊講：「狐狸！愛去哪?」狐狸毋聲佢。
[翻譯]:猴子在後面也走著過來叫說：「狐狸！要去哪?」狐狸不理睬他。
   
猴仔又加一聲：「狐狸！」，狐狸正「啍！」了一聲，無頓恬。猴仔有兜仔譴，
這隻狐狸仰恁趜屎，佢一下腳板，就驫到狐狸介面頭前，大聲問講：
「狐狸！搣麼該？仰毋聲人呢？」狐狸這下正頓恬下來，用目珠視一下猴仔，
開嘴講：「愛做麼該？遽該講，啀還當無閒，抬拳道館愛開張，啀還愛去做貴賓，
莫對這ng ng da da緊逕叉人。」講煞就用手搿開猴仔又愛行。
[翻譯]:猴子又再一聲：「狐狸！」，狐狸才「啍！」了一聲，沒有停下腳步。
猴子有一些些生氣，這隻狐狸為何這麼假神氣，他一下腳步，就跳到狐狸的面前，
大聲問說：「狐狸！搞什麼？為何不理睬人呢？」狐狸這下才停下腳步來，用目光掃過猴子，
開口說：「要做什麼？趕快說，我還很忙，抬拳道館要開張，我還要去做貴賓，
不要在這搞不清楚狀況,喋喋不休ㄧ直妨礙人。」說完就用手撥開猴子又要走。

原來狐狸仔介叔伯阿哥老虎，對庄仔口新開一崁抬拳道館，今晡日愛開張。
這隻狐狸平當時就當撩鵰，動物學校肚介同學，並無幾歡迎佢，毋過旦勢介同學，
都當純良，還係會主動同佢打招呼，大體仔佢也會點頭。毋過,今晡日無共樣，
原來佢恅著，有一個拳頭館介叔伯阿哥畀倚勢，就做得天毋驚地毋驚仔，
尤其係獅仔、狼狗同熊。
[翻譯]:原來狐狸的堂哥老虎，在莊子口新開一間抬拳道館，今天要開張。
這隻狐狸平很時就很喜歡動手動腳惹事生非，動物學校裡的同學，並沒有多歡迎他，
不過大部分的同學，都很善良，還是會主動和他打招呼，大多時候他也會點頭。不過,
今天不ㄧ樣，原來他以為，有一個拳頭館的堂哥給他依靠，就可以天不怕地不怕了，尤其是獅子、狼狗和熊。
   
猴仔無提無防分狐狸sung\一下，退了一步正企正，心肝肚譴起來。佢開嘴講：
「狐狸，又無人得失汝，汝趜麼該屎，若哥開拳頭館，汝就恁會仔係無？
若哥介拳頭恁厲害，看著人都還會頭頷尾碓，同人打招呼，逐擺還講，
練拳頭就係練身體，毋係愛相打用介，奈像汝『腳踏馬屎傍官勢』，
博人惱就有。」猴仔介性，正無驚狐狸仔。
[翻譯]:猴子沒提沒防讓狐狸推一下，退了一步才站住，心中生氣起來。他開口說：
「狐狸，又沒有人得罪你，你神氣什麼，你哥哥開拳頭館，你就這麼了不起是嗎？
你哥哥的拳頭這麼厲害，看到人都還會頭點尾搖，和人打招呼，每次還說，練拳頭就是練身體，
不是要打架用的，哪裡像你『腳踏馬屎仗官勢』(官府的馬夫,終日趕馬腳踏馬屎而形,
也仗著官威,狐假虎威作威作福)，惹人討厭就有。」猴子的個性，才沒有怕狐狸。
   
狐狸仔無想著，猴仔一開嘴就同佢介興頭打淨淨，一時節面紅祭炸，齧牙狌齒,
目珠起赤砂。開嘴就罵轉去講：「毋使吾哥，就淨啀一儕就做得蹴分汝伏到地泥下
喊阿姆哀。」佢緊講就緊攎衫袖。
[翻譯]:狐狸仔沒有想到，猴子一開口就和他的興頭一掃而空。一時間臉紅耳赤，咬牙切齒，
開口就罵回去說：「不用我的哥哥，就只我一個人就可以揍到讓你趴到地下叫媽媽。」他邊說就邊挽衣袖。
   
猴仔毋係分人嚇到大介，佢應講：「講汝靠若哥介勢，還毋承認，頭擺看著啀
還會喊人．今晡日啀正講一句，汝就攎手捋腳，仰仔？愛相打係無？」
猴仔同狐狸,一個半斤一個八兩,愛相打還毋知牛死也係藤斷,佢拳頭母也喀起來。
[翻譯]:猴子不是讓人嚇到大的，他回嘴說：「說你靠你哥的威勢，還不承認，從前看到我還會叫人．
今天我才說一句，你就衣袖褲腳都捲了起來，怎樣？要打架是嗎？」猴子和狐狸,勢均力敵,兩個實力相當,
愛打架還不知牛死還是藤斷(鹿死誰手),他拳頭也握了起來。
   
狐狸應講：「毋使牽親帶戚，單人獨馬,就淨啀一儕定定，係驚就閃開，係無，
啀一巴掌，若嘴角就會胇走一片」，佢企正來，面向猴仔，巴掌麻打開來。
[翻譯]:狐狸回答說：「不用牽親帶戚，單槍匹馬,就只我一個人而已，要怕就閃開，要不然，
我一巴掌出手，你的嘴角就會歪到一邊」，他站正來，面向猴子，手巴掌打開來。
   
猴仔咩眼睛睛仔注意等狐狸仔介手講：「搭得汝愛攬腰跤抑係愛比拳頭,
汝一出手．啀就同汝紐起來．墜到地泥下」佢介手巴掌也打開來向往前。
[翻譯]:猴子也眼睛睛仔注意等狐狸的手說：「不管你要摔跤還是要比拳腳,你一出手．
我就和你抓起來．壓到地下」他的手巴掌也打開來往前面。
   
狐狸講：「汝愛紐啀，啀就用腳尖牯斬若腳睜跟。」佢一隻腳欠往前。
[翻譯]:狐狸說：「你要抓我，我就用腳尖踩你的腳後跟。」他一隻腳跨往前。
   
猴仔講：「汝愛斬吾腳睜跟，啀就拔若狐狸尾。」佢斡到狐狸後背。
[翻譯]:猴子說：「你要踩我腳後跟，我就拔你的狐狸尾。」他繞到狐狸後背。
   
狐狸講：「啀就打一粒臭屁，分汝透氣毋出．」狐狸尾盡臭，無人堵仔著,
老古句本旦係講:[狐狸毋知尾下臭],這隻狐狸同人無共樣,毋單只知自家介尾盡臭,
還知拿來講沖人。
[翻譯]:狐狸說：「我就打一粒臭屁，讓你沒法呼吸．」狐狸尾最臭，沒有受得了,諺語本來是說:
[狐狸不知尾下臭](無自知之明),這隻狐狸與眾不同,不只知到自己的尾巴最臭,還知到拿來沖昏人。
   
猴仔講：「啀就捉若頭顱拗轉去鼻，沖死汝自家．」佢兩隻手擎起來,做樣子要抓狐狸頭。
[翻譯]:猴子說：「我就捉你的腦袋轉回頭去聞，悶死你自己．」他兩隻手舉起來,做勢要抓狐狸頭。
   
狐狸講：「啀就抓若耳公，拉兼來拷ten鼻。」佢右手介手指公同蛇頭指打開來，
像鉗仔擎高高。
[翻譯]:狐狸說：「我就抓你的耳朵，拉靠近來幫忙聞」他右手的大姆指和食指打開來，像鉗子一樣舉高高。
   
猴仔講：「該汝就來拉吾耳公啊。」佢企正來，。
[翻譯]:猴子說：「那你就來拉我的耳朵啊。」他站正來，。
   
狐狸仔伸手想拉，毋過，手正擎一半高，佢講：「汝莫翕啀毋敢。」
[翻譯]:狐狸仔伸手想拉，不過，手才舉一半高，他說：「你不要賭我不敢。」
   
猴仔講：「汝就係毋敢，來啊！」還耳公拗過去。
[翻譯]:猴子說：「你就是不敢，來啊！」還耳朵轉過去。
   
狐狸仔講：「係分啀楸著，汝就莫噭，」其手還擎到該無放下來，咩無真經揪落去，
目珠緊視等猴仔，透氣有兜仔急，心肝bok bok驫。
[翻譯]:狐狸仔說：「要是讓我揪著，你就不要哭，」他的手還舉到那沒有放下來，也沒有真真揪下去，
眼睛ㄧ直瞪著猴子，呼吸氣有一些急促，心臟蹦蹦跳。
   
猴仔咩緊看狐狸仔介手，驚佢真經出手楸，兩儕企對該當久，毋敢震動，
連佢兩儕心肝bok bok驫介聲就聽仔著。
[翻譯]:猴子也ㄧ直看狐狸仔的手，怕他真的出手揪，兩個人站在那很久，不敢動，
連他兩個人心臟蹦蹦跳的聲音都聽得著。
   
司令台唇，獅仔同雞母本來適該搞跳格仔，毋過，這下佢兩儕既經停下來，
緊看這片。因爭佢兩儕有注意著，這片介猴仔同狐狸仔打逆面相堵的，
看起來已像愛出手相打矣，無過來看做毋得。
[翻譯]:司令台旁邊，獅子和母雞本來在那玩跳格仔，不過，這會他兩個人以經停下來，ㄧ直看這邊。
因為他兩個人有注意到，這邊的猴子和狐狸仔相衝突吵架，看起來很像要出手打架了，沒有過來看不行。
   
獅仔行頭前，雞母行後背，獅仔先喊講：「狐狸！又冤家羅債欺負同學仔呵！
詳細講一個分漿來。」
[翻譯]:獅子走前面，母雞走後面，獅子先叫說：「狐狸！又吵架欺負同學呵！說一個明白來。」
   
狐狸講：「奈有，係佢好鬥。」
[翻譯]:狐狸說：「哪裡有，是他好鬥。」
   
猴仔滕等應講：「麼人講！汝莫聽佢介單頭話,白白介布仔想愛佬啀染到烏,係佢趜屎。」
[翻譯]:猴子馬上回答說：「誰說！你不要聽他的片面之詞,白白的布,想硬把我染到黑(巔倒是非),是他假神氣。」
   
獅仔講：「狐狸!啀頭下有看著幾下介同學,同汝打招呼擛手，汝就毋插人，係汝毋著。」
[翻譯]:獅子說：「狐狸!我剛才有看到好幾位的同學,和你打招呼招手，你都不理人，是你不對。」
   
『強中自有強中手，惡人自有惡人磨。』狐狸介心肝，這下有兜仔驚。毋過佢咩有性，
今晡日趕等愛去參加老虎哥介拳頭館開幕，竟然堵著獅仔同猴仔連合起來，共隻鼻公透氣。
佢想著還有老虎哥做靠山，就大聲應講：「佢對這逕叉人，
害啀會赴毋著吾老虎哥拳頭館介開幕，汝係也恁仰nga nga da da,啀就去同吾哥講．」
[翻譯]:『強中自有強中手，惡人自有惡人磨。』狐狸的心裡，這下子有一些怕。不過他也有個性，
今天趕著要去參加老虎哥的拳頭館開幕，竟然遇著獅子和猴子連合起來，同一個鼻
呼吸(頏瀣一氣)。他想到還有老虎哥做靠山，就大聲回答說：「他在這妨礙人，
害我會趕不及我老虎哥拳頭館的開幕，你要是也這麼囉哩囉嗦不識時務,我就去和我哥說」
   
獅仔同老虎平高平大平扎，兩儕『相打毋過田塍』，獅仔聽著佢愛喊老虎，
觸著自家介老腰仔,就無幾歡喜介講：「啀正毋驚若哥，汝做汝去喊」。
獅仔續『公親變事主』。
[翻譯]:獅子和老虎一樣高一樣大壯，兩個人『打架不過田埂』(勢均力敵)，獅子聽到狐狸要叫老虎，
冒犯了自己的脾氣(痛處、禁忌),就不大高興的說：「我才不怕你哥，要叫你就去叫」。
獅子倒來『和事佬變事主』。
   
行後背介雞母行到來，聽著連獅仔也湊一腳，遽遽同狐狸拉開講：
「汝毋係愛去若哥該，好遽該去，係無，會赴毋著。大家都係同學，
看汝今晡日著恁派頭，大家正歡喜同汝打招呼，汝咩做得順續湊大家共下
去鬥鬧熱啊！猴仔無惡意，佢咩愛風神，汝係點一下頭,就毋會分人誤會仔啦！
好行哩！好行哩！莫對這耗時間」
[翻譯]:走後面的母雞走過來，看到連獅子也湊一腳，趕快將狐狸拉開說：「你不是要去你的哥那，
好趕快去，要不然，會趕不及。大家都是同學，看你今天穿這麼派頭，才歡歡喜喜和你打招呼，
你也可以順便邀大家一起去湊熱鬧啊！猴子沒有惡意，他也要神氣，你要是點一下頭,
就不會讓人誤會了啦！好走啦！好走啦！不在這耗時間」
   
狐狸本來也驚驚仔，無想再過相打介，就為著顧該垤面皮,正『死鴨仔硬嘴拜』
今這下有人來轉環，順等該勢就對猴仔講：「今晡日算啀毋著，同汝會失禮，
下二擺就無放汝煞．」斡頭又同獅仔過仔雞母講：「係有閒正請大家共下過來聊，」
講煞就走仔。
[翻譯]:狐狸本來也怕怕的，不想過打架的，就為著顧那張面皮，才『死鴨仔硬嘴巴』,現在有人來給下臺階，
順等勢就向猴子說：「今天算我不對，和你對不起，下一次就跟你沒完沒了．」轉頭又和獅子以及母雞說：
「要是有空再請大家一起過來坐。」說完就走了。
   
狐狸實在就係『嘴勢胐硬』,貓抓粢難lut_爪,愛人講好嘴定定，好得雞母出面，
係無，真經會打起來。
[翻譯]:狐狸實在是『嘴硬屁股軟』(心虛;虛有其表)，貓抓齊粑難脫身,要人說好話而已，好在母雞出面，
要不然，真的會打起來。
   
猴仔本旦還對該發閼介，聽著狐狸仔既然會失禮仔，雖然試著無幾誠意，
毋過自家咩無幾有膽，就準堵好仔。兩儕[半夜想該千條路,醒來本本磨豆腐]。
[翻譯]:猴原本還在那生氣的，聽到狐狸既然對不起了，雖然覺得沒什麼誠意，不過自己也沒多有膽，
就算了。兩個人[半夜想了千條計,醒來依然賣豆腐](光說不練,什麼都沒改變)。
   
獅仔幹頭哦腦雞母講：「還係汝慶，幾句話就挲平仔」雞母講：「這無麼該啦！