交工樂團 俺等就來唱山歌

以客为尊

俺等就來唱山歌 *交工:在台灣中北部安到"換工" -交換人工之意

01下淡水河寫等俺等介族譜 又名:瀰農(美濃舊名)開庄史之河流版
詞 鍾永豐 曲\唱 林生祥
阿太介阿太太介時節 下淡水河撩刁起雄 武洛庄水打水抨 涯等介祖先趨上毋趨下 尋啊到美濃山下(重複)
佢等打林築柵撿石做堋 將厥片殘山剩水 變啊做好山好水 佢等緊手緊腳做細食粗 結果田坵 田坵滿園青溜(重複)
奉請 今晨吉期 開基福神 新壇甫竣 我等同心誠意 祭告山川 懇祈上蒼 佑此土可大 亦因可久 將奕世於瀰濃 (瀰濃庄開基碑文末段)
今晨吉期(呀) 開基福神新壇甫竣 涯等(呀)同心誠意祭告山川 (涯等呀)懇祈上蒼佑此土可大 亦因可久將奕世於瀰濃
祖先驚過愁過扛擔行過 竭命犁過介這條下淡水河 厥條餵飽田坵餵飽五穀 餵飽涯等介下淡水河 流流傳傳時斂時浦 寫著涯等介族譜(重複)

02夜行巴士(記一位老農的心情) 詞 鍾永豐 曲\唱 林生祥
透夜趨路遊覽巴士佢緊行緊北 頭腦暈暈目珠瞪瞪涯看著夜色 烏雲食月一擺過一擺 分涯愐起第頭擺介頭擺 (重複)
苦做硬做田坵?大出產 奈何年年涯緊種加啥緊淒慘 丁多地少兄弟爭出外 存涯一房來蓄爺哀 骨節痛淨力頭衰弱時 新事記多變舊事
在都市項食頭路介老弟同涯講 麼該做水庫美濃就變做大金庫 哀哉！涯講後生 憨狗望愛食羊下卵呢咩？ 厥兜政府斷真係有搞 耕田人家早有出頭 毋使等到涯亦下已經六十出頭 轉業忒慢死忒早 轉業忒慢死又還忒早
東片扁白日頭一出萬條鞭 台北市介樓屋噹噹撐著天 想涯這一生人就會冇效喂 但係這擺涯毋愛再淋棍喂 今比日涯愛來去撖奄講 今比日涯愛一定來去撖奄講 今比日涯愛一定來去 撖厥高毛政府講
水庫係築得屎嘛食得

03俺等就來唱山歌(記一九九三年立法院行動) 詞:鍾永豐 曲:林生祥 小鼓/廟鼓/八音鼓/鈸/梆子 鍾成達 吉他\唱 林生祥 空心貝斯 陳冠宇 嗩吶 陳進財 Ｏ/Ｓ/鍾秀?
叔婆伯母 父老兄弟 捱等行出美濃山下 捱等來到繁華冇聊 冇搭冇磪介台北 大街路上 過路人按多 冇人愛撖

硬殼牯

大貨仔 按久無看到!
鍾永豐作的詞
正經當有客家原味(唔像當多介歌曲遣詞用字佬句型直接用北京話,單淨用客話發音)
寫實
關懷土地...........

唔過這兜歌仔普遍性佬廣度唔足
對其他地方介人(比論講大陸/馬來西亞...)可能不易體會其意境
而且歌詞忒長不力傳唱

硬殼牯

Posted by 硬殼牯 at 2006-4-4 20:55
大貨仔 按久無看到!
鍾永豐作的詞
正經當有客家原味(唔像當多介歌曲遣詞用字佬句型直接用北京話,單淨用客話發音)
寫實
關懷土地...........

唔過這兜歌仔普遍性佬廣度唔足
對其他地方介人(比論講大陸/馬來 ...

莫怪佢舊年2005以"臨暗(getting dark)"得到金曲獎"最佳作詞人"獎

以客为尊

Posted by 硬殼牯 at 2006-4-4 20:55
大貨仔 按久無看到!

捱忒冇耐性勒..速度..斷線..亂碼..搣到捱頭那昏昏 冇麼箇愛上..呵呵..

Posted by 硬殼牯 at 2006-4-4 20:55
鍾永豐作的詞
正經當有客家原味(唔像當多介歌曲遣詞用字佬句型直接用北京話,單淨用客話發音)
寫實 關懷土地...........

唔過這兜歌仔普遍性佬廣度唔足
對其他地方介人(比論講大陸/馬來 ...

美濃 捱只在旅遊時去過 咩冇當熟 毋過 本張專輯卻抵捱心肚有儘高箇評價!
"歌曲"捱聽儘少亦有上萬條(客'原'普'河洛'粵'洋..)以上 如汝所講 本輯濃濃箇"大地母親箇呼喚" 毋管汝係毋係在地人 有心去聽 完全能感受到"愛鄉愛土"箇鄉土情懷 為何講"廣度毋足"?
不管奈位客家 做出如此結合"愛鄉愛土"牽心動腸箇專輯 捱樣做的毋感動!