1000余首客家流行歌曲歌词查询系统

huangchunbin

記阿公唱介歌仔（老介歌仔唱畀細人仔聽）  

瀚壬作詞、作曲、演唱

(歌詞)頭擺介歌詞盡生趣

      幾隻字逗一句啊對來盡有理

      有話適心肚底背　壞細囤人講

      就一句一句唱出來　共樣嘛盡有味緒

      頭擺吾阿公盡好唱山歌

      堵著心情好緊唱緊大嗓

      行過田坵邊時相中吾阿嬤

      毋管佢邊上有人冇　拼命咕唱畀佢聽

      (佢係恁呢唱ㄝ啦)

     #番豆好食泥肚生

      泥肚生根泥肚行

      當面開花暗結子

      倆啥相好莫揚嗓#

      這係盡久以前介事

      吾阿嬤恁老ㄝ　還記得那當時

      老人家講介話　吾等定作愛聽

     #老介歌仔留下來　繼續唱畀細人仔聽#

（註記）頭擺：以前    盡生趣：很有趣    心肚底背：意喻心裡面   

                 壞細：不好意思    盡好：很喜歡    堵著：遇到   

                 緊唱緊大嗓：愈唱愈大聲    恁呢：這樣    番豆：花生   

                 泥肚：泥土裡    倆啥：倆人    莫揚嗓：意喻不要張揚

                 盡久以前：很久以前    定作：一定要

huangchunbin

一粒飯糝一粒汗  

梁黃成英作詞  瀚壬作曲、演唱


（歌詞）一頭禾秧蒔落田呦

        天旱驚晒死  落雨驚冇停

        等到大頭結穀穗  又驚大風吹貼地

        一粒飯糝一粒汗

        吾等食飯係一口一口（恁大口喔）耙落嘴

        冇人瞭解耕田苦  奈知米飯（你知冇）對奈來

        天冇光  狗庬吠  做到一身汗  

        天冇光  雞庬啼  做到一身汗  

       #飲水愛念水源頭  食飯愛想耕田愁#

        天冇光  狗庬吠  做到一身汗  

        天冇光  雞庬啼  做到一身汗  

       #先人教吾愛煞猛  勤儉毋驚賺冇錢

        耕種祈望天來惜  風調雨順好過年#

（註記）一頭禾秧蒔落田：一株秧苗在稻田裡種下    大頭：意喻秧苗長大後  

                 飯糝：飯粒    耙落嘴：意喻大口的塞進嘴裡    奈知：怎會知道   

                對奈來：從哪裡來    庬：還沒     愛煞猛：要努力打拼    毋驚：不怕

huangchunbin

畀吾記得

   瀚壬作詞、作曲、演唱   　

（歌詞）如果吾老了記毋得妳介時

        妳敢還會適吾介耳宮邊講古

        畀吾聽頭擺介事

        如果吾還坌記毋得妳

        妳敢還會像今晡日一樣

        聽吾念歌仔  妳嘛跈等唱

       #吾若記毋得妳  恬恬又憨憨

        請妳一定愛有耐心

        慢慢一遍又一遍囤吾講

        畀吾記得倆啥共下~~倆啥共下~~

        散步又兼發夢  牽手看月娘

        火焰虫適手上  像星仔閃光光

        坐車仔四界浪  台北到台東

        站適牛欄邊上  看牛牳發狂

        半夜海邊吹風  閒閒去釣蝦公

        紅酒拿適手上  對望像鴛鴦

        坐船仔放輕鬆  吊橋上緊張

        足古 適花田邊上  囤細人仔照像#

        (口白:妳一定愛記得慢慢囤吾講喔,畀吾記得!)

（註記）適吾介耳宮邊：在我的耳邊    畀吾聽：讓我聽   

                 還坌記毋得：仍然記不得    敢還會：是不是還會   

                 今晡日：今天(意喻現在)    念歌仔：指唱歌   

                 嘛跈等唱：也跟著唱    恬恬又憨憨：意喻傻傻呆滯的樣子   

                 愛有：要有        囤吾講：跟我說    共下：一起    火焰虫：螢火蟲   

                 適手上：在手上    星仔：指星星    四界浪：指到處閒遊   

                 站適：站在    牛牳：母牛     足古 適：蹲在    囤細人仔：跟小孩子

huangchunbin

永遠要做親兄弟

梁黃成英作詞  瀚壬作曲、演唱

（歌詞）

#吾等客家人  雖然硬頸根  準講拼輸贏  麼愛講道理#

吾等有緣做兄弟  本來就係一家人

吾較細漢盡失禮  麼介事情較毋知

好在吾介阿哥親  老弟有事騰出水

橫樵入灶最冇理  喊吾毋好跈等去

（口白）

#和和氣氣來待人  正有一身好福氣  

大家共下相騰手  麼介頭路做毋起#

（歌詞）

#吾等客家人  雖然硬頸根  準講拼輸贏  麼愛講道理#

兄弟就像大樹身  樹頭就係阿姆心  

生根鑽泥顧樹身  樹大分枝葉遮日

毋驚風吹日頭晒  樹頭穩來樹身在

兄弟出自阿姆心  手腳親情記入心

（口白）

#舌牙恁合麼會相咬  兄弟再好麼會分家  

有難當頭吐親情  打虎麼愛親兄弟#

（歌詞）吾等共樣一條心  永遠愛做親兄弟

（註記）吾等：我們　硬頸根：固執　準講：縱使　麼愛：也要　係：是　

              細漢：年輕　麼介：什麼　毋知：不知道　吾介阿哥：我的哥哥　

                 騰出水：意欲出面幫忙出氣　 橫樵入灶：蠻橫無理　正有：才有　

                 騰手：幫忙     喊吾毋好跈等去：叫我不要跟著去做　

                 頭路：工作、事業　在：穩固     毋驚：不怕　日頭：太陽　

                 手腳：手足　恁合：這麼密合　麼會：也會　 共樣：同樣

huangchunbin

老庄頭介做田人


梁黃成英作詞  瀚壬作曲、演唱  哲輔口白

（歌詞）

日頭爬高高  晒到頭頃頃

戴頓笠麻又尨頓洋巾

一邊在耕田  心肚一邊想

總想來拜託  日頭快快落

雖然睡介係草茅屋  屋肚有樣透心涼

雖然有時冇月光  總有幾隻靓靓介火燄蟲

#有時月娘介心情好  規介魚塘閃光光

希望吾也變作火燄蟲

可以自由飛喔  處處放光芒#

可以自由飛喔  處處放光芒

（註記）

日頭：太陽　頭頃頃：頭低低　笠麻：斗笠　尨著洋巾：頭上披著方巾

心肚：內心裡　屋肚：屋內　有樣：真的很　火燄蟲：螢火蟲

規介：整個　

huangchunbin

老眠床

徐櫻嫚、瀚壬作詞  瀚壬作曲、演唱

（歌詞）

站適眠床邊  看頓古老介大眠床  還記得這係阿婆介嫁妝

佢像阿婆介好朋友  日日陪等她

毋管適眠床腳下抑係這頂退色介眠帳內

都係阿婆發夢介天堂

暗晡夜  眠床上  阿婆介白頭拿毛

像天頂上介星仔恁靚  晶晶發光

掗扇仔  啪蚊虫  看阿婆驫來驫去

像拐仔適田坵底背搞聊  盡生趣

阿婆時常對吾講  她做事總適這眠床

吐孫仔又補衫褲  一擺做事總愛做幾下項

大姨婆來講古  站等講累了嘛愛倒眠床  喊佢嘛喊毋足亢  

站適眠床邊  看頓古老介大眠床  還記得這係阿婆介避風港

佢像阿婆介好心舅  夜夜服侍她

毋管適眠床腳下抑係這頂退色介眠帳內

都係阿婆講古介地方

今嘎介眠床舊了  眠帳抑退色了

只有眠床頭介牡丹花  還像阿婆介面容恁靚

#這个老眠床吾會永遠記得  就像記得阿婆一樣#

（註記）

看頓：望著    陪等：陪著    適眠床腳下：在床底下    抑係：或是    發夢：作夢

暗晡夜：晚上    頭拿毛：指頭髮    恁靚：意喻那麼漂亮    掗扇仔：拿扇子

驫來驫去：意喻跳來跳去    拐仔：青蛙    底背：裡面    搞聊：意指玩耍

盡生趣：很有趣    總適這：總在這    吐孫仔：照顧孫子    一擺：一次

幾下項：意喻好幾件事    站等：站著    倒眠床：意喻躺在床上

喊佢嘛喊毋足亢 ：叫她也叫不起來     今嘎：現在    眠帳：蚊帳

huangchunbin

吾爸介手

徐櫻嫚作詞  瀚壬作曲  馬國萍演唱

（歌詞）

吾爸介手緊來緊粗

還細介時吾爸去做兵  逐日想到吾爸介手畀吾晃槓仔

讀書介時放學若係落大雨  吾爸牽吾歸毋驚河壩發大水

大漢了食頭路  吾爸日日拜祖宗

庇護吾介工作會順手

分情郎看上  想愛討吾做哺娘

抑係吾爸牽吾出房去拜堂

&等吾降子畀佢攬  兩子阿公開眉笑眼

正知吾爸介皺皮已經風霜滿面

#吾爸介手  吾爸介手

毋管吾係還細抑係讀書

吾爸介手  吾爸介手

毋管吾嫁老公抑食頭路

共樣係吾爸介手  淨係緊來緊粗#&

日仔一日一日過  吾爸一日一日老  換吾來將佢照顧

（註記）

吾爸介：我父親的　緊來緊：愈來愈　還細介時：小的時候

逐日：每一天　畀吾：讓我　晃槓仔：盪鞦韆　若係：若是　

歸：回家　毋驚：不怕　發大水：淹大水　食頭路：從事工作或事業　

分情郎看上：被情郎看上　順手：順利　

想愛討吾做哺娘：想要娶我作老婆　抑係：還是　降子：生小孩　

畀佢攬：給他抱　兩子阿公：祖孫倆　正知：才知道　皺皮：皺紋

共樣係：同樣是　淨係：只是　佢：他

huangchunbin

來買菜呦

瀚壬作詞、作曲、演唱  

（歌詞）早早足亢 床行田坵  日頭庬開目

        清風微微對面吹  笑笑看吾來摘菜

        青菜一路掛一路  葉上露水圓嘟嘟

        葉瓣隨風搖啊搖  招吾共下來跳舞

       #吾種介菜色最靚  有影好吃又有一絲甜

        冇射農藥  辛苦除草

        為著大家介健康啊

        吾種介菜色最靚  有影好吃又有一絲甜

        菜葉青嫩  新鮮冇虫

        好吃介人來買菜呦#

（註記）足亢 床：起床　日頭：太陽　庬：尚未　招吾：邀我    有影：真的

huangchunbin

香花對影

梁黃成英作詞  瀚壬作曲  馬國萍、瀚壬演唱  

（歌詞）

#夜來香  夜來香  半夜傳來陣陣香

夜來香畏羞又雪白  花香毋只暗夜香

雖然毋靓夜夜都恁香  希望有人心靜來賞香

玫瑰花  玫瑰花  花蕊吐花像燈籠

花開清秀像臉盆  葉綠花豔美嬌容

人人看著恁靓人人想  招來揚葉賞花又跳舞#

（註記）

毋只：不只    暗夜：夜晚    毋靓：不漂亮    按香：這麼香  

按靓：這麼漂亮     揚葉：蝴蝶

huangchunbin

哥妹相想

梁黃成英記詞  瀚壬作曲  馬國萍、瀚壬演唱  


#筷菜開花一枝心  

舊年想哥到如今

舊年想哥冇恁急  

今年想哥想入心喔

筷菜開花一枝心  

舊年想妹到如今

舊年想哥妹冇恁急  

今年想哥妹想入心喔

阿哥後生又緣投  

阿妹恁靓趁年輕

三年兩年年紀多  

黃秧蒔田難啊  難轉青喔

若係倆啥共一心  

毋驚山高水恁深

山高有人來開路  

水深抑有造橋人喔#

（註記）

筷菜：韭菜    舊年：去年    冇恁急：沒有這麼急    後生：年輕    緣投：英俊  

恁靓：這麼漂亮     蒔田：播種     哪係：若是      倆啥：倆人   

共一心：同樣一條心        毋驚：不怕    恁：這麼    抑有：也有

huangchunbin

耕讀舍

梁黃成英摘記古詞  梁瀚壬作曲、演唱

（歌詞）

#耕種不忘朝朝勉

早出暗歸望豐年

讀書須教子孫賢

父慈子孝耀祖先#

#舍內住有文房寶

和樂自足萬萬年#

（註記）

早出暗歸：早出晚歸

huangchunbin

客家妹（林姿君）

詞： 林姿君
曲： 林姿君
編曲：周昱開

【客語歌詞】

美濃鎮個客家妹 崖就係美濃庄個客家妹
汝干有聽過聽過有一個好地方
個地方就係美濃庄
個位住個人全部都係客家人
崖嘛係美濃庄個客家妹
客家妹啊 客家妹 崖等沒人會好噴香水
客家妹啊 客家妹 崖等面上唔使用化妝品

汝干有去過去過一個好地方
個地方就係美濃庄
個位住仲人全部都會講客話
崖嘛係美濃庄個客家妹

客家妹啊 客家妹 崖等落雨會背紙傘
客家妹啊 客家妹 崖等肚飢會去吃面帕粄
還有蓋多阿伯伯母會種煙草
還有蓋靚蓋鬧個中正湖
汝等係有一日來到美濃庄
一定愛來尋崖言個客家妹


【國語歌詞】

美濃鎮的客家妹 我就是美濃的客家妹
你可有聽過聽過有一個好地方
那個地方就是美濃鎮
那裡住的人全部都是客家人
我也是美濃鎮的客家妹
客家妹啊 客家妹 我們沒人會好噴香水
客家妹啊 客家妹 我們面上不必用化妝品
你可有去過去過有一個好地
那個地方就是美濃鎮
那裡住的人全部都會講客家話
我也是美濃鎮的客家妹
客家妹啊 客家妹 我們下雨會撐油紙傘
客家妹啊 客家妹 我們肚飢會去吃板條
還有很多阿伯 伯母會種煙草
還有很美很美的中正湖
你們若是有一日來到美濃鎮
一定要來找我這個客家妹
美濃鎮的客家妹 我就是美濃鎮的客家妹
美濃鎮的客家妹 我就是美濃鎮的客家妹

huangchunbin

〈毋好噭〉（「菸田少年」片尾曲)

作詞：曾秀梅、林生祥
作曲：林生祥
編曲：林生祥、大竹研
演唱：林生祥
吉他：林生祥、大竹研

細妹 毋好噭
細妹 毋好噭
捱帶汝來去拔番豆
番豆寡寡泥
汝要嫁分捱

細賴 毋好噭
細賴 毋好噭
捱帶汝共下唱山歌
山歌冇共腔
相拗扭來抨

細妹 毋好噭
細妹 毋好噭
捱帶汝來去看豬仔
豬嫲暈媸媸
豬哥波緊液

huangchunbin

〈菸田少年〉 (客家電視台連續劇「菸田少年」主題曲)

作詞：鍾永豐
作曲：林生祥
編曲：林生祥、大竹研
演唱：林生祥
吉他：林生祥、大竹研

姊擺腳長貿天葉
哥擺手快呵中葉
捱抹脚葉跍到撐腿
想要趕緊又驚徑斷葉
驚啊分人開磅徑斷葉

菸田菸筍茫茫渺渺
菸行恁深奈久抹透
那河壩唇籲籲嚎嚎
這兜做一堆介死田螺
這兜做一堆介死田螺

大細抹到日頭無志願
捱到冬下交工來摘菸
美濃山下摘到龜仔山下
捱晝捱暗好才食到阿母煲介鹼粥
傍伯母講介雄話

滿叔滿叔奈久歸到
想汝陪捱菸樓掌火
捱讀毋落又睡毋落
夥房裡是緊來緊冷卻

耕讀耕了要分捱等讀
讀了又挽捱等毋好耕
爺哀耕多緊耕緊老
後輩讀多緊讀緊遠田坵伙房緊來緊寂寞

huangchunbin

新娘裳（林姿君）
詞： 林姿君
曲： 林姿君
編曲：曾宜臻

【客語歌詞】
(河洛語)
月娘掛置那個天頂 你惦惦站置阮的眼前
說是為了咱的將來 想要去台北凍乎打拼
叫我就等待你兩三冬 一定會回來阮的身邊
娶阮入門過著好日子
(客語)
崖每天做這一身新娘裳 等阿哥歸來 崖就可以嫁
從崖十八歲等到頭髮白 汝為了什麼都不歸來啊

(河洛語)
娘月掛置那個天頂
(客語)
崖靜靜坐 等在這個鏡子前
(河洛語)
難道是為著你已經變心
(客語)
汝才會讓崖在這裡傻等
(河洛語)
難道是為了你有妻兒
(客語)
崖才會一生在這裡等不到人


【國語歌詞】
月娘掛在那個天上 你靜靜站在我的眼前
說是為了我們的將來 想要去台北好好打拼
叫我要等待你兩三年 一定會回來我的身邊
娶我入門過著好日子
我每日縫這件新娘裳 等阿哥歸來我就可以嫁
從我十八歲等到頭髮白 你為了什麼怎麼不歸來啊
月娘掛在那個天上
我靜靜坐在 等在這面鏡子前
難道是為了你已經變心
你才會讓我在這裡傻等
難道是為了你己有妻兒
我才會一生在這裡等不到人