[客家話]各位全球嘅客家鄉親大家好!雖然過年愛過去咧,但系崖還系在誒仔祝福全球嘅客家鄉親:新年快樂,萬事如意!

崖都系中國南方人，崖曉講客家話；客家話同學佬話、廣州話共樣都系中國南方方言，也系中國古代漢語留下嘅語言之一；在普通話恁獵時候嘅今下，崖希望所有在南中國生活，都系共樣講中國南方方言嘅南中國人，愛自愛、語言方面愛團結合作，做一只有尊嚴嘅南方人，愛保護好自家嘅話同文化！

在新年假日愛結束之前，崖嘅新年新嘅希望系：客家人愛團結，愛多多同冇共樣但系都講客家話嘅客家人講客家話，就算各地嘅客家話嘅腔頭冇共樣都唔系問題，都可以相通話嘅；崖就試過幾下擺,同無共樣地方嘅客家人講過客家話,結果都可以講!

崖在臺灣出世,曉講客家話同臺灣學佬話,崖嘅目的系因為對崖兜南方方言刮有興趣,所以就學啦,到了香港,為了方便同香港朋友溝通,又學講廣州話,可以講崖對語言興趣刮濃,同時研究南方嘅語言,希望做個正宗嘅南中國人!

在臺灣,客家話同文化保存唔會差,臺灣有定期嘅客家藝文活動在臺灣每一個地方舉辦,也有客家話教學,今下還有客家話認證資格考試,分客家人在臺灣可以做同客家話教學有關嘅行口,所以臺灣嘅客家人可以講恁幸福,希望未來在大陸客家區嘅客家人都可以有恁樣嘅政策實施,今下嘅大陸政府都在進步,崖相信好嘅政策應該會實施!

最尾,崖祝全球客家人同都系講南方漢語方言嘅中國人、華人新年快樂,萬事如意!