视频: 兴宁罗岗口音
第一篇 一張桌仔四四方 四句詩集錦
一張桌仔四四方,紙筆墨硯在中央;一只書生無停寫,寫出幾多好文章。 八月裡來桂花香,一陣秋雨一陣涼;一條甘蔗十八相,想去想轉都想娘。 毋受塵埃半點侵,竹籬茅舍自甘心;只因毋識林和靖,惹得詩人講到今。 雲母屏風燭影深,長河漸落曉星沉;嫦娥應悔偷靈藥,碧海青天夜夜心。 花開滿園自然香,八月秋風自然涼;初一遲豬十五賣,臭肉煎油假清香。 行路愛行路中心,兩邊樹仔好遮陰;連妹愛連有情妹,千里路遙會來尋。 河里洗菜井水盪,大鑊煮來細碗裝;鑊鏟使到圈圈轉,等候娾哥轉家鄉。 膽又大來心又貪,毋到黃河心毋甘;敢上南山打猛虎,敢捉蛟龍落龍潭。 入山看到藤纏樹,出山看到樹纏藤;樹死藤生纏到死,樹生藤死死也纏。 只有相思淚兩行,陽關三疊苦難當;兩地相思難見面,恰似織女對牛郎。 一人撥扇兩人涼,一樹開花滿山香;柑子共皮無共廉,兩人各姓共心腸。 白白淨淨娾毋貪,烏烏赤赤娾毋嫌;阿哥好比當梨樣,越烏越赤心越甜。 新打鐮刀白光光,鐮刀割草利霜霜;那有鐮刀毋割草,那有妹子毋戀郎。 新打茶壺七寸高,人人都話係难挑;人人都講係好錫,到底毋知有鉛無。 日頭落嶺滿山紅,我倆分別在路中;心想同郎共下去,毋奈心同路毋同。
食鹹食甜臭喙邊,不賒不欠毋受嫌;現金買賣不賒欠,甘蔗好食目目甜。 上句應該來源于臺灣,受學佬話影響。原句“食甜食鹹臭腳鼻liâm”系學佬話,用學佬話讀正順口。所以就把此句刪了。
|