Flash: 傳統蕉嶺&梅縣下水音
朗讀篇章第一篇 一張桌仔四四方 四句詩集錦
一張桌仔四四方，紙筆墨硯在中央；一个書生冇停寫，寫出幾多好文章。
八月裡來桂花香，一陣秋雨一陣涼；一支甘蔗十八想，想去想轉都想娘。
不受塵埃半點侵，竹籬茅mao舍自甘心；只因無識林和靖Cin4，惹得詩人說到今。
雲母屏風燭影深，長河漸落曉星沉；嫦娥應悔偷靈藥，碧海青天夜夜心。
花開滿園自然香，八月秋風自然涼；初一殺(ci)豬十五賣，臭肉煎油假清香。
行路愛行路中心，兩片樹仔好遮陰；連妹愛連有情妹，千里路遙會來尋。
河中洗菜井水盪，大鑊煮來細碗裝；鑊鏟使到牽牽轉，等候娾哥轉家鄉。
膽又大來心又貪，毋到黃河心不甘；敢上南山打猛虎，敢捉蛟龍落龍潭。
食鹹食甜臭腳臁(hiam2)，不賒(ca2)不欠毋受嫌；現金買賣不賒欠，甘蔗好食目目甜。
臁(hiam2)=馦hiam2
臭尿馦 cu1 ngiau1 hiam2 臭尿味
入山看到藤纏樹，出山看到樹纏藤；樹死藤生纏到死，樹生藤死死也纏。
只有相思淚兩行，陽關三疊苦難當；兩地相思難見面，恰(kap)似織女對牛郎。
一人撥扇兩人涼，一樹開花滿山香；柑子共皮冇共斂(liam4)，兩人各姓共心腸。
白白淨淨娾毋貪，烏烏赤赤娾毋嫌；阿哥可比diam ngiam樣，越烏越赤心越甜。
新打鐮刀白光光，鐮刀割草利霜霜；那有鐮刀唔割草，那有妹子唔戀郎。
diam ngiam甜稔 =烏肚 vu du =當梨
新打茶壺七寸高，十人看了九人摸；人人都講係好錫，到底不知有鉛冇。
日頭落山滿山紅，我倆分別在路中；心想同郎共下去，無奈心同路不同。
| 